சென்னை: அதிமுக - தவெகவுடனான கூட்டணி குறித்து எந்த முடிவும் எடுக்கவில்லை என மாஜி அமைச்சர் பொன்னையன் தெரிவித்துள்ளார். திருவள்ளூர் மாவட்டம் பொன்னேரியில் அதிமுக செயல்வீரர்கள் ஆலோசனை கூட்டம் நடைபெற்றது. இதில் அதிமுக செய்தி தொடர்பாளரும், முன்னாள் அமைச்சருமான பொன்னையன் கலந்துகொண்டு கட்சி நிர்வாகிகளுக்கு ஆலோசனைகளை வழங்கினார். தொடர்ந்து செய்தியாளர்களை சந்தித்த பொன்னையன், அதிமுக-தவெக கூட்டணி தொடர்பாக நாளிதழில் வெளியான செய்தி குறித்த கேள்விக்கு, தவெகவுடன் கூட்டணி தொடர்பாக அதிமுக எந்த முடிவும் எடுக்கவில்லை. அப்படி ஒரு நிகழ்வு நடைபெறவில்லை. அது தவறான செய்தி. விஜய் கட்சியுடன் கூட்டணி என அதிமுக எப்போது அறிவித்தது? கூட் டணியை இறுதி செய்ய இன்னும் காலம் இருக்கிறது. கூட்டணி தொடர்பாக பொதுச்செயலாளர் முடிவை அறிவிப்பார் என்றார்.
