Friday, April 12, 2024
Home » விளையாட்டுத் துறையிலும் நம்பர் 1 என்ற இலக்கை எட்ட கழக அரசு என்றும் உறுதியுடன் செயலாற்றும்: அமைச்சர் உதயநிதி ஸ்டாலின்!

விளையாட்டுத் துறையிலும் நம்பர் 1 என்ற இலக்கை எட்ட கழக அரசு என்றும் உறுதியுடன் செயலாற்றும்: அமைச்சர் உதயநிதி ஸ்டாலின்!

by Francis

சென்னை: விளையாட்டு துறையிலும் நம்பர் 1 என்ற இலக்கை எட்ட கழக அரசு என்றும் உறுதியுடன் செயலாற்றும் என அமைச்சர் உதயநிதி ஸ்டாலின் தெரிவித்துள்ளார். இது தொடர்பாக அவர் தனது X தள பதிவில் வெளியிட்டுள்ளதாவது; தமிழ்நாடு இளைஞர் நலன் மற்றும் விளையாட்டு மேம்பாட்டுத்துறையின் சாதனைகள் தொடர்ந்திடும் வகையில் அடுத்தடுத்து மேற்கொள்ள வேண்டிய பணிகள் தொடர்பாக ஆலோசனைகளை மேற்கொள்வதற்காக, நடைபெற்ற தமிழ்நாடு விளையாட்டு மேம்பாட்டு ஆணைய நிர்வாகக்குழுக் கூட்டத்தில் தலைமை செயலகத்தில் இன்று பங்கேற்றோம்.

அரசு தலைமைச் செயலாளர் – தமிழ்நாடு இளைஞர் நலன் மற்றும் விளையாட்டு மேம்பாட்டுத்துறை கூடுதல் தலைமைச் செயலாளர் – விளையாட்டு மேம்பாட்டு ஆணையத்தின் உறுப்பினர் செயலர் மற்றும் உறுப்பினர்கள் பங்கேற்ற இக்கூட்டத்தில், தமிழ்நாட்டில் தொடர்ந்து சர்வதேச மற்றும் தேசிய அளவிலான போட்டிகளை நடத்துவது – ஒவ்வொரு பகுதியிலும், திறமையான வீரர்களை கண்டறிந்து ஊக்குவிப்பது – விளையாட்டுத்துறை கட்டமைப்புகளை மேம்படுத்துவது என தமிழ்நாட்டை விளையாட்டுத் துறையில் முதன்மை மாநிலம் ஆக்கிடும் வகையிலான கருத்துக்கள் பரிமாறிக் கொள்ளப்பட்டன. விளையாட்டுத் துறையிலும் நம்பர் 1 என்ற இலக்கை எட்ட கழக அரசு என்றும் உறுதியுடன் செயலாற்றும். என்று பதிவிட்டுள்ளார்.

 

You may also like

Leave a Comment

four + two =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi