சாமை மிளகு பொங்கல்

சாமை - அரை கிலோ

பாசிப்பருப்பு- 200 கிராம்

இஞ்சி - 1 துண்டு (நறுக்கியது),

சீரகம் - 2 தேக்கரண்டி

மிளகு - சிறிதளவு

பெருங்காய தூள் - சிறிதளவு

நெய், உப்பு - தேவையான அளவு.

செய்முறை:

இஞ்சியை தோல் நீக்கி பொடியாக நறுக்கிக் கொள்ளவும். சாமை அரிசியையும், பாசிப்பருப்பையும் நன்றாக கழுவி குக்கரிலிட்டு தண்ணீர் மற்றும் உப்பு சேர்த்து ஐந்து விசில் வரும் வரை வேக வைத்து இறக்கவும். வாணலியில் நெய் ஊற்றி அது உருகியதும் சீரகம், மிளகு, இஞ்சியை வறுத்தெடுக்கவும். பின்னர், அதனுடன் வேகவைத்த சாமை சாதம், பெருங்காயத்தூள் சேர்த்து கிளறி இறக்கவும். ருசியான சாமை மிளகு பொங்கல் தயார்.