பஞ்சாமிர்தம்

தேவையான பொருட்கள்:

வாழைப்பழம்- 5

கல்கண்டு- 3 தேக்கரண்டி

நாட்டுச்சர்க்கரை- 3 தேக்கரண்டி

உலர்ந்த திராட்சை- 3 தேக்கரண்டி

தேன்- 3 தேக்கரண்டி

ஏலக்காய் தூள்- 1 தேக்கரண்டி

நெய்- 2 தேக்கரண்டி

பேரிச்சம்பழம்- 4 தேக்கரண்டி

செய்முறை:

முதலில் பவுலில் 5 வாழைப்பழத்தை தோல் உரித்து விட்டு போட்டு நன்றாக மசித்துக் கொள்ளவும். இப்போது இதில் கல்கண்டு 3 தேக்கரண்டி சேர்த்துக்கொள்ளவும். இத்துடன் நாட்டுச்சர்க்கரை 3 தேக்கரண்டி, உலர்ந்த திராட்சை 3 தேக்கரண்டி, சிறிதாக நறுக்கிய பேரிச்சம்பழம் 4 தேக்கரண்டி, தேன் 3 தேக்கரண்டி, நெய் 2 தேக்கரண்டி, ஏலக்காய் தூள் 1 தேக்கரண்டி சேர்த்து நன்றாக கலந்துவிடவும். அவ்வளவுதான் சுவையான பஞ்சாமிர்தம் தயார்.