கேரளா மாம்பழ புளிசேரி ரெசிபி

தேவையான பொருட்கள்:

* 4 பழுத்த சிறிய மாம்பழம்

*1 கப் தயிர்

*1/4 ஸ்பூன் மஞ்சள் தூள்

*1/4 ஸ்பூன் மிளகாய் தூள்

*1 டேபிள் ஸ்பூன் வெல்லம்

*1 கொத்து கறிவேப்பிலை

*தேவையான அளவு உப்பு

அரைக்க:

*1 கப் தேங்காய்

*2 பச்சை மிளகாய்

*½ ஸ்பூன் சீரகம்

தாளிக்க:

*1 ஸ்பூன் தேங்காய் எண்ணெய்

*1 வர மிளகாய்

*1/2 ஸ்பூன் கடுகு

*கால் ஸ்பூன் வெந்தயம்

*1/4 ஸ்பூன் மிளகாய்த்தூள்

*சிறிதளவு கறிவேப்பிலை

செய்முறை:

*முதலில் ஒரு மிக்ஸி ஜாரில் துருவிய தேங்காய், பச்சை மிளகாய், சீரகம் மற்றும் சிறிது தண்ணீர் ஆகியவற்றை எடுத்துக்கொள்ளவும். இதை மென்மையான விழுதாக அரைத்து, தனியாக எடுத்து வைக்கவும்.

*பின்னர் மாம்பழங்களை எடுத்து மெதுவாகத் தோலுரித்துக் கொள்ளவும். கீழிருந்து மேலாக பழத்தை உரித்தால் எளிதாக தோல் வரும். முடிந்தவரை பழத்தின் வடிவம் சிதையாமல் தோலை உரிக்கவும்.

*ஒரு பாத்திரத்தில் தோல் நீக்கிய மாம்பழங்கள், உப்பு, மஞ்சள் தூள், மிளகாய்த்தூள், வெல்லம் மற்றும் ஒன்றரை கப் தண்ணீர் ஆகியவற்றை எடுத்துக் கொள்ளவும்.

*இதை 5 நிமிடங்கள் அல்லது மாம்பழம் மென்மையாகும் வரை கொதிக்க வைக்கவும்.

*மாம்பழங்கள் கருகாமல் இருக்க, அவற்றை அவ்வப்போது மெதுவாகத் திருப்பிவிடுவதை உறுதி செய்யவும்.

*பின்னர் அரைத்த தேங்காய் விழுதைச் சேர்த்து, நன்றாகக் கலக்கவும்.

*பின்னர் குழம்பு கெட்டியாகி ஒரே சீராக வரும் வரை கொதிக்க விடவும்.

*தயிரை நன்றாக அடித்து வைத்துக் கொள்ளவும். அடுப்பை சிம்மில் வைத்து. அடித்து வைத்த தயிரைச் சேர்க்கவும்.

*தயிர் சேர்த்தப் பிறகு கொதிக்கும் வரை மட்டும் சூடாக்கவும். ஆனால், கொதித்து விடாமல் சரியான நேரத்தில் அடுப்பை அணைக்கவும்.

*ஒரு கடாயில் எண்ணெய் ஊற்றி சூடாக்கி, கடுகு சேர்த்து தாளிக்கவும். கடுகு வெடித்ததும் அதில் வர மிளகாய், வெந்தயம் மற்றும் கறிவேப்பிலை சேர்க்கவும்.

*அடுப்பை அணைத்துவிட்டு, கடைசியாக மிளகாய்த் தூளைச் சேர்த்து ஒருமுறை வேகமாக கிளறவும்.

*இதை மாம்பழ புளிசேரியில் சேர்த்து நன்றாக கிளறினால் சுவையான கேரளா மாம்பழ புளிசேரி தயார்!