பேபி முட்டைகோஸ் போண்டா மோர் குழம்பு

தேவையான பொருட்கள்:

போண்டா செய்ய

பேபி முட்டைகோஸ் அல்லது பிரஸ்ஸல்ஸ் ஸ்ப்ரௌட்ஸ் (Brussels sprouts) 10 (நடுவில் இரண்டாக வெட்டியது)

கடலை மாவு 1 கப்

அரிசி மாவு 2 டேபிள்ஸ்பூன்

மிளகாய் தூள் ½ டீஸ்பூன்

சீரகத் தூள் ½ டீஸ்பூன்

பெருங்காயம் 1 சிட்டிகை

உப்பு தேவைக்கு

தண்ணீர் தேவையான அளவு

எண்ணெய் பொரிக்க.

மோர் குழம்பு:

தயிர் (புளிப்பு இல்லாதது) 2 கப்

கடலை மாவு 1 டீஸ்பூன்

மஞ்சள் தூள் ¼ டீஸ்பூன்

உப்பு தேவைக்கு.

அரைக்க:

தேங்காய் 3 டேபிள்ஸ்பூன்

பச்சை மிளகாய் 2

சீரகம் 1 டீஸ்பூன்.

தாளிக்க:

எண்ணெய் 1 டேபிள்ஸ்பூன்

கடுகு 1 டீஸ்பூன்

உளுந்து 1 டீஸ்பூன்

கறிவேப்பிலை சிறிது

பெருங்காயம் 1 சிட்டிகை.

செய்முறை:

பேபி முட்டை கோஸ்களை சிறிது உப்பு போட்டு 5 நிமிடம் வேகவைத்து எடுத்துக்கொள்ளவும் (அதிக கசப்பு குறையும்)

கடலை மாவு, அரிசி மாவு, மிளகாய் தூள், சீரகம், பெருங்காயம், உப்பு தண்ணீர் சேர்த்து கெட்டியான மாவாக கலக்கவும். கோஸ்களை மாவில் நனைத்து நடுத்தர சூட்டில் மொருமொருப்பாக பொரித்து எடுத்துவைத்துக்கொள்ளவும். தயிர், கடலை மாவு, மஞ்சள், உப்பு சேர்த்து கட்டியில்லாமல் கலக்கவும்.

அரைத்த மசாலாவை சேர்த்து மிதமான தீயில் கொதிக்க விடாமல் சூடேறும் வரை கிளறவும். எண்ணெயில் கடுகு, உளுந்து பருப்பு தாளித்து கறிவேப்பிலை, பெருங்காயம் சேர்க்கவும். இதை மோர் குழம்பில் ஊற்றவும். அடுப்பை அணைத்து பொரித்த கோஸ் போண்டாக்களை சேர்த்து 5 நிமிடம் ஊற விடவும். சுவையான பேபி கோஸ் போண்டா மோர் குழம்பு தயார்.

பிரஸ்ஸல்ஸ் ஸ்ப்ரௌட்ஸ் (Brussels sprouts) தமிழில் கிளைக்கோஸ் அல்லது பேபி முட்டைக்கோஸ் (சிறிய கோஸ்) பயன்கள்

இதய ஆரோக்கியத்திற்கு நல்லது.

இரத்த சர்க்கரை கட்டுப்பாட்டுக்கு நல்லது.

நோய் எதிர்ப்பு சக்தி அதிகம்.

அடிக்கடி சளி, காய்ச்சல் வராம தடுக்கும்.

மார்பு, குடல், கருப்பை போன்ற புற்று நோய் வராமல் தடுக்கும்.

எலும்புக்கு வலிமை சேர்க்கும்.

ஜீரணம் சீராகும்.

குடல் இயக்கம் சரியாகும்.

தோல் & முடி ஆரோக்கியம் மேம்படும்.

எடை குறைக்க உதவும்.

- ஹேமலதா வாசுதேவன்.