சென்னை: தேர்தலில் இந்தியா என்ற சொல்லே பாஜவை விரட்டும் என்று முதல்வர் மு.க.ஸ்டாலின் கூறியுள்ளார்.
திமுக தலைவரும், தமிழ்நாடு முதல்வருமான மு.க.ஸ்டாலின் தனது சமூக வலைத்தளப் பதிவில் கூறியிருப்பதாவது:
பாசிச பாஜ ஆட்சியை வீழ்த்தும் கூட்டணிக்கு இந்தியா என்று பெயர் சூட்டியதில் இருந்து பா.ஜ.வுக்கு இந்தியா என்ற சொல்லே கசந்து வருகிறது. இந்தியாவை வளர்ச்சிமிகு இந்தியாவாக மாற்றப் போகிறோம் என்று சொல்லி ஆட்சிக்கு வந்த பிரதமர் நரேந்திர மோடியால் ஒன்பது ஆண்டுகளுக்குப் பிறகு இந்தியா என்ற பெயரை மட்டும்தான் மாற்ற முடிந்திருக்கிறது. அரண்டவர் கண்ணுக்கு இருண்டதெல்லாம் பேய் என்பதைப் போல இந்தியா என்ற சொல்லே பாஜவை மிரட்டுகிறது. தேர்தலில் இந்தியா என்ற சொல்லே பா.ஜ..வை விரட்டும். இவ்வாறு பதிவில் கூறப்பட்டுள்ளது.
