Sunday, April 14, 2024
Home » இன்று முதல் 7 நாட்களுக்கு கதீட்ரல் சாலையில் போக்குவரத்து மாற்றம்

இன்று முதல் 7 நாட்களுக்கு கதீட்ரல் சாலையில் போக்குவரத்து மாற்றம்

by Mahaprabhu

சென்னை: கதீட்ரல் சாலை அமராவதி ஓட்டல் முன்பு உள்ள சர்வீஸ் சாலையில் உள்ள பாதாள சாக்கடை மேன்ஹோல் முழுவதுமாக சேதமடைந்துள்ளதால், சென்னை குடிநீர் மற்றும் கழிவுநீர் அகற்று வாரியம் சார்பில் மேற்கண்ட இடத்தில் 7 நாட்களுக்கு பகல் மற்றும் இரவு நேரத்தில் சீரமைப்பு பணி நடைபெற இருப்பதால் இன்று முதல் 7 நாட்களுக்கு போக்குவரத்து மாற்றம் செய்யப்படுகிறது. அதன்படி, ஆழ்வார்ப்பேட்டை சந்திப்பில் இருந்து டிடிகே சாலை வழியாக மியூசிக் அகாடமி சந்திப்பு வந்து கதீட்ரல் சாலையில் இடதுபுறம் திரும்பும் அணைத்து வாகனங்களும், ஆழ்வார்ப்பேட்டை சந்திப்பில் இருந்து நேராக செல்லாமல் மாறாக ஆழ்வார்ப்பேட்டை சந்திப்பில் இருந்து இடதுபுறம் திரும்பி முரேஸ் கேட் ரோடு வழியாக சென்று வலதுபுறம் திரும்பி, கஸ்தூரி ரங்கன் சாலை வழியாக சென்று கதீட்ரல் சாலை அடைந்து தங்களின் இலக்கை நோக்கி செல்லலாம்.

பிசப் வாலஸ் கிழக்கு சாலை வழியாக கதீட்ரல் சாலை செல்லும் வாகனங்கள், மியூசிக் அகாடமி சந்திப்பில் யூடர்ன் எடுத்து சவேரா ஓட்டல் முன்பாக உள்ள சர்வீஸ் ரோடில் சென்று நீல்கிரீஸ் சந்திப்பை அடைந்து, அங்கு யூடர்ன் எடுத்து மியூசிக் அகாடமி மேம்பாலம் வழியாக கதீட்ரல் சாலை சென்று தங்களின் இலக்கை அடையலாம். வி.பி.ராமன் சாலை, லாயிட்ஸ் சாலை, இந்தியன் வங்கி சந்திப்பில் இருந்து, டிடிகே சாலை வழியாக மியூசிக் அகாடமி சந்திப்பு வலதுபுறம் உள்ள சர்வீஸ் ரோடு வழியாக கதீட்ரல் சாலை செல்லும் வாகனங்கள், இடதுபுறம் திரும்பி சவேரா ஓட்டல் முன்பு உள்ள சர்வீஸ் ரோடில் சென்று நீல்கிரீஸ் சந்திப்பை அடைந்து யூடர்ன் எடுத்து மியூசிக் அகாடமி மேம்பாலம் வழியாக கதீட்ரல் சாலை சென்று தங்களின் இலக்கை அடையலாம்.

ஜே.ஜே.சாலை, அம்மன் சீனிவாசன் சாலை அம்புஜம்மாள் தெரு, பாஷ்யம் பஷிர் அகமது தெரு மற்றும் பார்த்தசாரதி கார்டன் தெரு வழியாக வரும் வாகனங்கள் டிடிகே சாலை வந்து மியூசிக் அகாடமி சந்திப்பை அடைந்து இடதுபுறம் திரும்பாமல் வலதுபுறம் திரும்பி சவேரா ஓட்டல் முன்பு உள்ள சர்வீஸ் ரோடில் சென்று நீல்கிரீஸ் சந்திப்பை அடைந்து யூடர்ன் எடுத்து மியூசிக் அகாடமி மேம்பாலம் வழியாக கதீட்ரல் சாலை சென்று தங்களின் இலக்கை அடையலாம்.
இவ்வாறு போக்குவரத்து காவல்துறை தெரிவித்துள்ளது.

You may also like

Leave a Comment

one × two =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi