சேலம்: தேசிய மருத்துவ ஆணையம் (என்எம்சி) மருத்துவக்கல்லூரி மாணவர்கள் மற்றும் பெற்றோர்களிடம் இருந்து கல்வி மருத்துவ பயிற்சியின்போது எதிர்கொள்ளும் சவால்கள் குறித்த குறைகளை பெற்று வருகிறது. இதில் பெரும்பாலும் அதிகப்படியான கட்டணம் வசூலித்தல் உதவித்தொகை செலுத்துவதில் தாமதம் அல்லது உதவித்தொகை செலுத்தாதது ராகிங் பயிற்சி தொடர்பான பிரச்னைகள் பேராசிரியர்கள் அல்லது கல்லூரி ஊழியர்கள் தொடர்பான பிரச்னைகள் சுகாதாரம் மற்றும் பாதுகாப்பு பிரச்னை பாடத்திட்டம் வருகை கற்பித்தல் தேர்வு மதிப்பீடு உள்ளிட்ட குறைகளை பதிவு செய்து வருகின்றனர். இந்நிலையில் தற்போது மாணவர்கள் மற்றும் பெற்றோர்களின் குறைகளை சரிசெய்ய 3 நிலைகளைக்கொண்ட குறைதீர்க்கும் மையங்களை என்.எம்.சி. ஏற்படுத்தி உள்ளது.இதுகுறித்து தேசிய மருத்துவ ஆணையத்தின் செயலாளர் ராகவ்லங்கர் அனைத்து மருத்துவக்கல்லூரி முதல்வர்களுக்கும் அனுப்பியுள்ள சுற்றறிக்கையில் கூறியிருப்பதாவது: பெரும்பாலான பிரச்னைகள் கல்லூரி அல்லது பல்கலைக்கழக அளவிலேயே தீர்க்க முடியும். அவ்வாறு பிரச்னைகள் தீர்க்காத போது சம்மந்தப்பட்ட மாநிலத்தின் மருத்துவக்கல்வி ஆராய்ச்சி இயக்குநரகம் மூலம் சரிசெய்ய முடியும். பிரச்னைகள் பெரிய அளவில் இருக்கும்போது என்.எம்.சி.க்கு மேல்முறையீடு செய்யலாம்.மருத்துவக்கல்லூரி நிர்வாகம் பல்கலைக்கழகம் மருத்துவக்கல்வி ஆராய்ச்சி இயக்குநரகம் என மூன்று நிலைகளில் குறைகளை தீர்க்க கட்டமைக்கப்பட்டுள்ளது. மூத்த அதிகாரிகளை கொண்டு குறைதீர்க்கும் குழுக்களை அமைக்க பரிந்துரை செய்யப்படுகிறது. கல்லூரி பல்கலைக்கழகங்கள் மருத்துவக்கல்வி ஆராய்ச்சி இயக்குநரகம் குறைதீர்க்கும் குழுக்களின் விவரங்களை இணையதளத்தில் வழங்கும். மேலும் மாணவர்கள் பெற்றோர்களிடம் இருந்து பெறப்பட்ட குறைகள் மற்றும் குறைகளுக்கு எடுக்கப்பட்ட நடவடிக்கை அனைத்தையும் தொடர்ச்சியாக பராமரிக்கும். கல்லூரி பல்கலைக்கழக நிர்வாகங்கள் இதற்காக வெப் போர்ட்டலை உருவாக்கி காட்சிப்படுத்த வேண்டும். பாதிக்கப்பட்ட மாணவர்கள் தங்கள் குறைகளை ஆன்லைன் முறையில் பதிவு செய்யக்கூடிய வசதியை ஏற்படுத்த வேண்டும். மாணவர்களின் குறைகளை விரைவாகவும் திறம்படவும் சரிசெய்ய அனைத்து முயற்சிகளையும் மேற்கொள்ள வேண்டும். தீர்க்கப்படாத பிரச்னைகளை என்எம்சியில் மேல்முறையீடு செய்யலாம். இவ்வாறு அவர் கூறியுள்ளார்.
உடுமலை: உடுமலை அருகே உள்ள அமராவதி அணை மூலம் பாசனத்துக்கு தண்ணீர் திறக்கப்படுகிறது. பிரதான கால்வாயில் திறக்கப்படும் தண்ணீர் குமரலிங்கம் ராஜவாய்க்கால் சர்க்கார் கண்ணாடிபுத்தூர் வாய்க்கால் சோழமாதேவி வாய்க்கால் மடத்தூர் கணியூர் கடத்தூர் வாய்க்கால்கள் மூலம் பாசன நிலங்களுக்கு செல்கிறது.குமரலிங்கம் ராஜவாய்க்கால் பகுதியில் சுமார் 1350 ஏக்கரில் விவசாயம் நடக்கிறது. பெரும்பாலும் விவசாயிகள் தென்னை கரும்பு பயிரிட்டுள்ளனர். இந்த வாய்க்காலில் ஆகாயத் தாமரை செடிகள் படர்ந்து கால்வாய் தெரியாத அளவுக்கு மூடியுள்ளது. இதனால் பாசன பகுதிகளுக்கு சரிவர தண்ணீர் செல்வதில்லை என விவசாயிகள் குற்றம்சாட்டுகின்றனர்.உடனடியாக வாய்க்காலில் படர்ந்துள்ள ஆகாய செடிகளை அகற்றி தூர்வார வேண்டும் என விவசாயிகள் கோரிக்கை விடுத்துள்ளனர்.
டெல்லி: பீகாரில் மேற்கொள்ளப்படும் சிறப்பு வாக்காளர் பட்டியல் திருத்தம் தொடர்பான பொதுமனு மனுக்களை உச்சநீதிமன்றம் இன்று விசாரிக்கவுள்ளது. பீகார் மாநிலம் சட்டப்பேரவை தேர்தல் இந்த ஆண்டு இறுதிக்குள் நடைபெறும் என்று எதிர்பார்க்கப்படுகிறது. இதையடுத்து அங்கு எஸ்.ஐ.ஆர். எனப்படும் சிறப்பு வாக்காளர் பட்டியல் திருத்தப்பணிகளை தேர்தல் ஆணையம் மேற்கொண்டு வருகிறது. இதில் வாக்காளர்களின் குடியுரிமைகளை நிரூபிக்கும் வகையில் அவர்களுது பிறப்பு சான்றிதழ்களையும், பிறப்பிடம் சான்றிதழ்களையும் சமர்ப்பிக்க வேண்டும் என்றும் அவர்கள் பெற்றோர் குடியுரிமையை உறுதிப்படுத்தும் சான்றுகளிலும் கொடுக்க வேண்டும் என்று கூறப்பட்டுள்ளது.
திருப்பூர்: பனியன் உற்பத்தி மற்றும் ஏற்றுமதி மட்டுமல்லாது பல்வேறு தொழில்கள் நடைபெறக்கூடிazzய திருப்பூருக்கு தினமும் வரும் புலம்பெயர் தொழிலாளர்கள் எண்ணிக்கை அதிகரித்து வரக்கூடிய நிலையில் அதற்கேற்றவாறு கூடுதல் பெட்டிகளுடன் ரயில்கள் இயக்கத்தை அதிகப்படுத்த வேண்டும் என தொழில்துறையினர் கோரிக்கை விடுத்துள்ளனர்.சர்வதேச அளவில் பனியன் உற்பத்தி மற்றும் ஏற்றுமதியில் கவனம் பெற்ற தொழில் நகரமாக திருப்பூர் இருந்து வருகிறது. இந்தியாவின் ஒட்டுமொத்த ஆயத்த ஆடை ஏற்றுமதியில் 68 சதவீதத்திற்கும் அதிகமான பங்களிப்பை திருப்பூர் அளித்து வருகிறது. கடந்த சில வருடங்களாக பனியன் உற்பத்தி மற்றும் ஏற்றுமதியில் தொய்வடைந்து வந்த நிலையில் கடந்த ஆண்டு முதல் மீண்டும் வளர்ச்சி பாதையை நோக்கி வருகிறது. திருப்பூரில் உற்பத்தி செய்யப்பட்டு பல்வேறு மாநிலங்கள் மட்டுமல்லாது பல்வேறு வெளி நாடுகளுக்கும் ஆயத்த ஆடைகள் ஏற்றுமதி செய்யப்பட்டு வருகிறது. இவை மட்டுமல்லாது இதனை சார்ந்த பல்லாயிரக்கணக்கான நிறுவனங்கள் திருப்பூரில் செயல்பட்டு வருகின்றன. மேலும் அனுப்பர்பாளையத்தில் பாத்திர உற்பத்தி காங்கேயம் தாராபுரம் உள்ளிட்ட பகுதிகளில் எண்ணெய் ஆலைகள் அரிசி ஆலைகள் பல்லடம் பகுதியில் கோழிப்பண்ணை விசைத்தறி அவிநாசி பகுதிகளில் விவசாயம் விசைத்தறி உள்ளிட்ட பல்வேறு தொழில்களும் திருப்பூர் மாவட்டத்தில் மேற்கொள்ளப்பட்ட வருகிறது.
தேனி: மது அருந்த பணம் தராததால் மனைவியை கத்தியால் குத்தி கொலை செய்த கணவருக்கு ஆயுள் தண்டனை விதித்து தேனி நீதிமன்றம் தீர்ப்பளித்தது.தேனி மாவட்டம் கடமலைக்குண்டு பகுதியைச் சேர்ந்தவர் கணேசன் (62). இவரது மனைவி அம்சக்கொடி. கடந்த 2022ம் ஆண்டு மனைவியிடம் மது குடிப்பதற்கு கணேசன் பணம் கேட்டுள்ளார். பணம் தராததால் ஆத்திரமடைந்த கணேசன் மனைவியை கத்தியால் குத்தி கொலை செய்து உடலை வீட்டிற்குள் வைத்துள்ளார். இது குறித்து தகவலறிந்த போலீசார் உடலைக் கைப்பற்றி பிரேத பரிசோதனைக்காக அனுப்பி வைத்தனர். இதுதொடர்பாக மயிலாடும்பாறை போலீசார் வழக்கு பதிந்து கணேசனை கைது செய்தனர்.இந்த வழக்கின் விசாரணை தேனி மாவட்ட மகிளா நீதிமன்றத்தில் நீதிபதி அனுராதா முன்னிலையில் நடந்து வந்தது. வழக்கு விசாரணை முடிந்ததையடுத்து நேற்று நீதிபதி தீர்ப்பளித்தார். அதில் கணேசனுக்கு ஆயுள் தண்டனை விதித்தும் ரூ.2 ஆயிரம் அபராதம் விதித்தும் அபராத தொகையை செலுத்தத் தவறினால் கூடுதலாக ஓராண்டு சிறைத்தண்டனை அனுபவிக்க வேண்டும் எனவும் தீர்ப்பளித்தார்.
ஆண்டிபட்டி: தேனி மாவட்டம் ஆண்டிபட்டி அருகே உள்ள வைகை அணை மதுரை தேனி திண்டுக்கல் சிவகங்கை ராமநாதபுரம் ஆகிய தென் மாவட்டங்களின் பாசனத்திற்கும் குடிநீருக்கும் ஆதாரமாக விளங்கி வருகிறது.
தேனி: ஒன்றிய பாஜ அரசு பொதுத்துறை நிறுவனங்களை தனியாருக்கு தாரை வார்க்கக் கூடாது என வலியுறுத்தி ஒன்றிய அரசுக்கு எதிராக தொழிற்சங்கங்கள் சார்பில் நேற்று ஒரு நாள் வேலை நிறுத்த போராட்டம் அறிவித்தது. இதனையொட்டி தேனி மாவட்டத்தில் ஜாக்டோ ஜியோ சார்பில் ஒரு நாள் வேலை நிறுத்தப் போராட்டத்தில் அரசு ஊழியர்கள் மற்றும் ஆசிரியர்கள் கலந்து கொண்டனர்.இதனைத் தொடர்ந்து தேனி மாவட்ட கலெக்டர் அலுவலகம் முன்பாக ஜாக்டோ ஜியோ அமைப்பு சார்பில் நேற்று ஆர்ப்பாட்டம் நடந்தது. ஆர்ப்பாட்டத்திற்கு மாவட்ட ஒருங்கிணைப்பாளர் தாஜூதீன் தலைமை வகித்தார்.ஆர்ப்பாட்டத்தில் பல்வேறு துறை அரசு ஊழியர்கள் ஆசிரியர் கூட்டமைப்பினர் அங்கன்வாடி மற்றும் சத்துணவு பணியாளர்கள் உட்பட நூற்றுக்கணக்கானோர் கலந்து கொண்டனர். ஆர்ப்பாட்டத்தின் போது ஒன்றிய பாஜ அரசுக்கு எதிராக பொதுத்துறை நிறுவனங்களை தனியாருக்கு தாரை வார்க்க கூடாது என கோஷங்களை எழுப்பினர்.
தேனி: பெரியகுளம் அருகே பூட்டிய வீட்டில் பணம் திருடு போனது குறித்து போலீசார் வழக்கு பதிந்து விசாரணை நடத்தி வருகின்றனர்.பெரியகுளம் அருகே எ.புதுப்பட்டி நடுத்தெருவை சேர்ந்தவர் விமல்(32). பில்டிங் காண்ட்ராக்டர். இவர் நேற்று முன்தினம் காலை வீட்டில் உள்ள பீரோவில் ரூ.1.60 லட்சத்தை வைத்து விட்டு வேலைக்கு கிளம்பி சென்றார். இவரது மனைவி பிரியங்கா காலை 11 மணியளவில் வீட்டினை பூட்டிவிட்டு வீட்டின் அருகே மறைவான இடத்தில் சாவியை வைத்து விட்டு சென்றார். மீண்டும் திரும்பி வந்து பார்த்தபோது சாவி வேறு இடத்தில் இருந்துள்ளது. இதனால் சந்தேகமடைந்த அவர் வீட்டிற்குள் சென்று பார்த்துள்ளார்.அப்போது பீரோ திறந்த நிலையில் இருந்தது. மேலும் அதில் வைத்திருந்த ரூ.1.60 லட்சம் பணம் காணாமல் போனது தெரிய வந்தது. இது தொடர்பாக விமல் அளித்த புகாரின் அடிப்படையில் பெரியகுளம் போலீசார் வழக்குப்பதிவு செய்து விசாரணை நடத்தி வருகின்றனர்.
தேவதானப்பட்டி: தேவதானப்பட்டி அருகே உள்ள முருகமலை அடிவாரப்பகுதிகளில் புதிய நீர்தேக்க தடுப்பனைகள் கட்ட வேண்டும் என விவசாயிகள் கோரிக்கை விடுத்துள்ளனர்.தேவதானப்பட்டி முருகமலை மஞ்சளாறு அணை கிராமத்தில் தொடங்கி தேவதானப்பட்டி வருவாய் கிராமம் டி.வாடிப்பட்டி சில்வார்பட்டி எண்டப்புணி மற்றும் கீழவடகரை வருவாய் கிராமங்களை உள்ளடங்கிய அதிக பரப்பளவை கொண்டது. திண்டுக்கல்-குமுளி தேசிய நெடுஞ்சாலையில் முருகமலை அடிவாரப்பகுதி தேவதானப்பட்டியில் ஆரம்பித்து பெரியகுளம் வரை 10 கிலோமீட்டர் தொலைவிற்கு உள்ளது. பருவமழை காலங்களில் இந்த முருகமலையில் பெய்யும் மழைநீர் நூற்றுக்கும் மேற்பட்ட ஓடைகள் வழியாக தெற்கு நோக்கி செல்கிறது. இந்த நீர்வழித்தட ஓடைகளை மறித்து குறுக்கே தமிழ்நாடு குடிநீர்வடிகால் வாரியம் தமிழ்நாடு தரிசுநில மேம்பாட்டுத்திட்டம் பொதுப்பணித்துறை வாரியம் கிராம ஊராட்சிகளின் மூலம் நூறுநாள் வேலைத்திட்டம் உள்ளிட்ட பல்வேறு திட்டங்களின் கீழ் நூற்றுக்கும் மேற்பட்ட தடுப்பனைகள் கட்டப்பட்டது.
விழுப்புரம் : இரண்டு தினங்களுக்கு முன்பாக பாமக செயற்குழு கூட்டம் நடைபெற்றிருந்தது. அந்த செயற்குழு கூட்டம் செல்லாது என ஏற்கனவே அன்பு மணி தரப்பில் நடைபெற்றிருக்க கூடிய ஆலோசனை கூட்டத்தில் தீர்மானமாக நிறைவேற்றபட்டிருந்தது. இந்த நிலையில் பாமக நிறுவன ராமதாஸ் தலைமையில் நடைபெற்ற அந்த செயற்குழு கூட்டம் செல்லாது எனவும், அதில் நிறைவேற்றபட்டிருக்கக்கூடிய அந்த தீர்மானங்களை தேர்தல் ஆணையம் அங்கிகரிக்க கூடாது எனவும் தேர்தல் ஆணையத்திற்கு மின் அஞ்சல் மூலமாக அன்பு மணி தரப்பு அனுப்பப்பட்டிருந்தது .
