அதிமுக முன்னாள் அமைச்சர் மீதான வழக்கை ரத்து செய்ய ஐகோர்ட் மறுப்பு..!!

சென்னை: அதிமுக முன்னாள் அமைச்சர் வின்சென்ட் மீதான வழக்கை ரத்து செய்ய சென்னை உயர்நீதிமன்றம் மறுப்பு தெரிவித்துள்ளது. நாகர்கோவில் சட்டமன்ற தொகுதியில் இருந்து 1977-1980ஆண்டுகளில் எம்.எல்.ஏ.வாக தேர்ந்தெடுக்கப்பட்டவர் வின்சென்ட். முன்னாள் அமைச்சராகவும், முன்னாள் மாநிலங்களவை உறுப்பினராகவும் இருந்த வின்சென்ட், வின்ஸ் அறக்கட்டளை நிர்வாக அறங்காவலராக உள்ளார். அறக்கட்டளை சார்பில் வில்லுக்குறியில் இயங்கும் பொறியியல் கல்லூரிக்காக உரிய அனுமதியின்றி 3 மாடி கட்டிடத்தை கட்டியதாக புகார் எழுந்தது. அறக்கட்டளை சார்பில் வில்லுக்குறியில் இயங்கும் பொறியியல் கல்லூரிக்காக உரிய அனுமதியின்றி 3 மாடி கட்டிடத்தை கட்டியதாக புகார்தெரிவிக்கப்பட்டது. கட்டடம் கட்ட நெல்லை நகரமைப்பு துறை உதவி இயக்குநர் நாகராஜன் உடந்தையாக செயல்பட்டுள்ளதாக ஜஸ்டின் என்பவர் புகார் தெரிவித்தார். ஜஸ்டின் அளித்த புகாரின் அடிப்படையில் நாகர்கோவில் லஞ்ச ஒழிப்பு போலீசார் வழக்குப்பதிவு செய்தனர். 2022-ல் பதியப்பட்ட வழக்கை ரத்து செய்யக் கோரி முன்னாள் அமைச்சர் வின்சென்ட் உயர்நீதிமன்றத்தில் மனுதாக்கல் செய்யப்பட்டது. அதிமுக முன்னாள் அமைச்சர் வின்சென்ட் மீதான வழக்கை ரத்து செய்ய சென்னை உயர்நீதிமன்றம் மறுப்பு தெரிவித்துள்ளது.