குலசேகரம் : மேற்கு தொடர்ச்சி மலையில் இருந்து உற்பத்தியாகும் கோதையாறு திற்பரப்பில் அருவியாக கொட்டுகிறது. இங்கு குறிப்பிட்ட சீசன் என்றில்லாமல் எப்போதும் தண்ணீர் கொட்டும். ஆனால் கோதையாற்றில் ஏராளமான குடிநீர் திட்டங்கள் செயல்படுத்துவதால் தண்ணீர் குறைந்து விட்டது. குறிப்பாக மழை இல்லாத காலத்தில் அருவி தண்ணீர் இல்லாமல் வறண்டு விடுகிறது.

குமரி மாவட்டத்தில் பருவமழை பொய்த்து விட்டதால் கடந்த 1 மாதமாக தண்ணீர் இல்லாமல் கோதையாறு உலர்ந்த பாறையாக காட்சியளித்தது.  இந்த நிலையில் சில தினங்களாக மலையோர பகுதிகளில் பெய்யும் கோடை மழை, அவ்வப்போது கனமழையாக கொட்டி வருகிறது. இதனால் நீர்நிலைகளுக்கு தண்ணீர் வரத்து அதிகரித்துள்ளது. திற்பரப்பு அருவியிலும் மிதமான அளவில் தண்ணீர் கொட்டுகிறது.  1 மாதமாக வறண்டு கிடந்த திற்பரப்பு அருவியில் தற்போது தண்ணீர் கொட்டுவதால் பொதுமக்கள் மற்றும் சுற்றுலாப் பயணிகள் உற்சாகம் அடைந்துள்ளனர்.