SUN குழுமத்திலிருந்து வெளிவரும் காலை நாளிதழ்

வீரபாண்டி முல்லையாற்றில் குளித்து மகிழும் சுற்றுலாப் பயணிகள்

2017-05-08@ 12:48:45

தேனி : தேனி அருகே வீரபாண்டி முல்லையாற்றின் தடுப்பணை பகுதியில் சுற்றுலாபயணிகள் குளித்து மகிழ்ந்து வருகின்றனர். தேனி மாவட்ட மேற்குத் தொடர்ச்சி மலையடிவாரத்தில் உள்ளதால் எப்போதும் பசுமையாக காட்சியளிக்கும். இவ்வாண்டு தென்மேற்கு பருவமழை, வடகிழக்கு பருவமழை பொய்த்து போனது.

இதனால், ஆறுகள், கண்மாய்கள் வறண்டு போயுள்ளன. தேனி மாவட்டத்தில் முக்கிய அருவிகளாக உள்ள சுருளிஅருவி, கும்பக்கரை அருவிகள் உள்ளன. இதில் சுருளி அருவியில் தண்ணீர் இல்லாமல் உள்ளது. இதனால் கோடை விடுமுறைக்கு சுற்றுலா வரும் பயணிகள் சுருளி அருவியில் குளிக்க முடியாமல் ஏமாற்றத்துடன் திரும்பி வரும் நிலை உள்ளது.

கும்பக்கரை அருவியில் அவ்வப்போது தண்ணீர் வருவதும், பின்னர் தண்ணீர் வராமல் இருப்பதுமாக உள்ளது. இதனால், இவ்வருவிகளை நம்பி சுற்றுலா பயணிகள் செல்ல முடியாத நிலை உள்ளது. இந்நிலையில் தற்போது முல்லைப்பெரியாறு அணையில் இருந்து தண்ணீர் திறந்து விடப்பட்டுள்ளது. இதனால் முல்லைப்பெரியாற்றில் தண்ணீர் கரைபுரண்டு ஓடுகிறது. தேனி அருகே வீரபாண்டியில் கவுமாரியம்மன் கோயில் சித்திரைத் திருவிழா வருகிற செவ்வாய்கிழமை முதல் தொடங்க உள்ளது.

விழாவையொட்டி கடந்த ஒரு வாரகாலமாக நேர்த்திக்கடன் செலுத்த கோயிலுக்கு வரும் பக்தர்களின் கூட்டமும் அதிகரித்துள்ளது.
இதேபோல, பல்வேறு மாவட்டங்களில் இருந்து கேரளா நோக்கி செல்லும் சுற்றுலாப்பயணிகள் வீரபாண்டி முல்லையாற்றின் தடுப்பணையில் இருந்து தண்ணீர் அருவிபோல் வருவதை பார்த்து, இவ்வாற்றில் இறங்கி குளித்து மகிழ்ந்து செல்கின்றனர்.

மேலும் செய்திகள்

Like Us on Facebook Dinkaran Daily News
  • 27-02-2020

    27-02-2020 இன்றைய சிறப்பு படங்கள்

  • thodar vanmurai20

    கலவர பூமியாக மாறிய தலைநகர்: வன்முறையில் பலியானவர்களின் எண்ணிக்கை 23ஆக அதிகரிப்பு...தொடர்ந்து 4வது நாளாக பதற்றம் நீடிப்பு!

  • brezil20

    பிரேசில் கார்னிவல் 2020: ஆடம்பரமான ஆடைகளில் ஆடல் பாடலுடன் மக்கள் கொண்டாட்டம்!

  • vimaanam20

    பாலகோட் ஏர் ஸ்ட்ரைக் நினைவு நாள்: சர்ஜிக்கல் ஸ்ட்ரைக் 2.0 க்கு பயன்படுத்தப்படும் மிராஜ் -2000 போர் ஜெட் விமானங்கள் காட்சிக்கு வைப்பு!

  • indonesiya vellam20

    வெள்ளக்காடாக காட்சியளிக்கும் இந்தோனேசியா..!கனமழையால் பொதுமக்கள் அவதி

படங்கள் வீடியோ கல்வி சினிமா ஜோ‌திட‌ம்