பெரியகுளம்: தேனி மாவட்டம், பெரியகுளம் அருகே 8 கிமீ தொலைவில் கும்பக்கரை அருவி உள்ளது. மேற்கு தொடர்ச்சி மலைப்பகுதி மற்றும் கொடைக்கானலில் கனமழை பெய்தால் அருவியில் நீர்வரத்து இருக்கும்.கடந்த 15 நாட்களுக்கு முன்பு நீர்வரத்தின்றி வறண்டு காணப்பட்டதால், அருவிக்கு செல்ல சுற்றுலாப்பயணிகளுக்கு வனத்துறையினர் தடை விதித்திருந்தனர். தொடர்ந்து மிதமான மழை பெய்ததால் அனுமதி அளிக்கப்பட்டது. கடந்த 4 நாட்களாக பெரியகுளம், கொடைக்கானல் மற்றும் சுற்றுப்பகுதிகளில் தொடர்ந்து கனமழை பெய்து வருவதால், அருவிக்கு நீர்வரத்து அதிகரித்து வெள்ளப்பெருக்கு ஏற்பட்டுள்ளது. இதனால் சுற்றுலாப்பயணிகளின் பாதுகாப்பு கருதி வனத்துறையினர் அருவிக்கு செல்ல, குளிக்க தடை விதித்துள்ளனர்.