கன்னியாகுமரி, : கன்னியாகுமரி கடல் நடுவே உள்ள சுவாமி விவேகானந்தர் நினைவு மண்டபம், 133 அடி உயர திருவள்ளுவர் சிலை ஆகியவற்றை சுற்றுலா பயணிகள் பூம்புகார் கப்பல் போக்குவரத்து கழக படகு மூலம் சென்று பார்த்து வருகிறார்கள். இந்நிலையில் நேற்று காலை வழக்கம்போல் சுற்றுலா பயணிகள் குவிந்திருந்தனர். ஆனால் பலத்த காற்று மற்றும் கடல் சீற்றம் காரணமாக படகு போக்குவரத்து ரத்து செய்யப்பட்டது. பின்னர் 12.45 மணிக்கு இயல்பு நிலை திரும்பியது. அதன்பிறகு படகு சேவை தொடங்கியது. இதனால், சுற்றுலா பயணிகள் அவதியடைந்தனர்.