SUN குழுமத்திலிருந்து வெளிவரும் காலை நாளிதழ்

உலகின் மிக உயர்ந்த சிவலிங்கத்தை பார்க்க குவியும் சுற்றுலா பயணிகள்

2019-11-26@ 17:28:49

குமரி : குமரிமாவட்ட எல்லையில், கேரளத்தின் செங்கல் பகுதியில் அமைந்துள்ள உலகின் மிக உயரமான சிவலிங்கத்தை கண்டு தரிசிக்க ஏராளமான பக்தர்களும், சுற்றுலா பயணிகளும்  குவிந்து வருகின்றனர்.செங்கல் சிவபார்வதி ஆலயத்தில் 10 கோடி ரூபாய் மதிப்பில் கட்டப்பட்டுள்ள, 111 புள்ளி 2 அடி உயரமும் 8 தளங்களும் கொண்ட சிவலிங்கம் கடந்த 10-ம் தேதி பக்தர்கள் தரிசனத்துக்கு திறக்கப்பட்டது. உலகின் மிகப்பெரிய சிவலிங்கத்தை அமைக்கும் பணிகள் கடந்த 2012-ம் ஆண்டு தொடங்கிய நிலையில், சுமார் 800-க்கும் மேற்பட்ட பணியாளர்கள் அங்கேயே தங்கி கட்டுமான பணிகளை நிறைவு செய்தது குறிப்பிடத்தக்கது.

எட்டு அடுக்காக அமைக்கப்பட்டுள்ள சிவலிங்கத்தின் ஒவ்வொரு நிலையிலும் தியான மண்டபங்களை கொண்டதாக அமைக்கப்பட்டுள்ளது. இந்த சிவலிங்கத்தின் உள்ளே குகைக்குள் செல்வது போன்றும், பரசுராமர், அகத்தியர் போன்ற பல முனிவர்கள் தவம் செய்வது போன்றும், கடவுள்களின் சிற்பத்துடன் அற்புதமாக வடிவமைக்கப்பட்டுள்ளது. மேலும் தரை தளத்தில் பக்தர்கள் அபிஷேகம் செய்து வழிபடும் வகையில் சிவலிங்க சிலையும், மேல் பகுதியான எட்டாம் நிலையில் கைலாய மலையில் சிவன் பார்வதி குடிகொண்டிருப்பது போல அழகிய சிலையுடன் கட்டப்பட்டுள்ளது.இது உலகின் மிக உயரமான சிவலிங்கமாக இந்தியா புக் ஆப் ரெகார்ட் மற்றும் ஆசியா புக் ஆப் ரெகார்ட் ல் இடம் பெற்றுள்ளது. இதனை இந்தியாவின் பல்வேறு பகுதிகளில் இருந்தும் நாள்தோறும் ஏராளமானோர் வந்து தரிசித்து செல்கின்றனர்.



மேலும் செய்திகள்

Like Us on Facebook Dinkaran Daily News
  • pakistan-hospital

    பாகிஸ்தானில் தேங்கி நிற்கும் வெள்ள நீரால் வேகமாக பரவும் மலேரியா: மருத்துவமனைகள் நோக்கி மக்கள் படையெடுப்பு..!!

  • temple-dubai-6

    துபாயில் பிரம்மாண்ட இந்து கோயில்!: சிவன், விஷ்ணு சன்னதியுடன் பக்தர்கள் தரிசனத்துக்கு திறப்பு.. கண்கவர் புகைப்படங்கள்..!!

  • gandhi-birthday

    காந்தி பிறந்தநாளையொட்டி கண்கவர் டிரோன் கண்காட்சி

  • tirupati-4th-day-30

    திருப்பதி பிரமோற்சவம்: 4ம் நாளில் கற்பக விருட்ச வாகனத்தில் ராஜமன்னார் அலங்காரத்தில் மலையப்ப சுவாமி வீதி உலா..!!

  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

படங்கள் வீடியோ கல்வி சினிமா ஜோ‌திட‌ம்