SUN குழுமத்திலிருந்து வெளிவரும் காலை நாளிதழ்

கொடைக்கானல் பிரையண்ட் பூங்காவில் பூத்துக்குலுங்கும் ரோஜா மகிழ்ச்சியில் சுற்றுலாப் பயணிகள்

2018-04-23@ 14:15:13

கொடைக்கானல்: கொடைக்கானல் பிரையண்ட் பூங்காவில் பூத்துக்குலுங்கும் பல வகையான வண்ண, வண்ண மலர்களை பார்த்து சுற்றுலா பயணிகள் மகிழ்ச்சியடைந்து வருகின்றனர். மலைகளின் இளவரசியான கொடைக்கானலில் தற்போது கோடை சீசன் களைகட்டியுள்ளது. பல்வேறு நாடுகளில் இருந்தும், இந்தியாவின் பல்வேறு மாநிலங்களில் இருந்தும் தினமும் ஏராளமான சுற்றுலாப் பயணிகள் வருகின்றனர். வெயிலில் இருந்து தப்பித்து குளுமையைத் தேடி கொடைக்கானலுக்கு வரும் சுற்றுலாப் பயணிகளுக்கு குளிர்ச்சியை கொடுத்து இளவரசி கிளர்ச்சியூட்டி வருகிறாள்.

தற்போது பிரையண்ட் பூங்காவில் பூத்துக் குலுங்கும் வண்ண, வண்ண மலர்களும், விதவிதமான பூக்களும் சுற்றுலாப் பயணிகளை மகிழ்ச்சி வெள்ளத்தில் ஆழ்த்தி வருகிறது. சிறுவர்கள் முதல் பெரியவர்கள் வரையில் வண்ண, வண்ண பூக்களைக் கண்டு அதன் முன்னே நின்று புகைப்படம் எடுத்தும், செல்பி எடுத்தும் தங்களது மகிழ்ச்சியை வெளிப்படுத்தி வருகின்றனர்.

பல வகையான ரோஜா, டெய்சி, டெல்பீனியம், டையந்தாஸ், கிளாடியஸ், ப்ளாக்ஸ், சால்வியா, பெல்கோனியம், பால்சம், செலோசியா, கேலண்டுல்லா, ஆஸ்டர், அஸ்டமேரியா, டேலியா, மேரிகோல்டு, பேன்ஸி, ஆந்தூரியம், ஆன்ட்ரீனியம் உள்ளிட்ட பல வகையான மலர்கள் பிரையண்ட் பூங்கா முழுவதும் மலர்ந்து சுற்றுலாப் பயணிகளை கவர்ந்து வருகிறது. கோடைமழை அவ்வப்போது பெய்து சுற்றுலாப் பயணிகளை மகிழ்வித்து வருவதால் இரட்டிப்பு மகிழ்ச்சியில் சுற்றுலாப் பயணிகள் உள்ளனர்.

மேலும் செய்திகள்

Like Us on Facebook Dinkaran Daily News
  • 01-12-2020

    01-12-2020 இன்றைய சிறப்பு படங்கள்

  • gurunanak30

    குருநானக் ஜெயந்தி!: சீக்கியர்களின் புனிதத் தலமான அமிர்தசரசில் உள்ள பொற்கோவிலில் சிறப்பு வழிபாடு..!!

  • bushfire30

    ஆஸ்திரேலியாவில் 6 வாரங்களாக தொடர்ந்து பற்றி எரியும் புதர் தீ!: மூன்றில் ஒரு பகுதி எரிந்து சாம்பல்..!!

  • thiruvannamalai30

    அரோகரா கோஷத்துடன் திருவண்ணாமலை அருணாச்சலேஸ்வரர் கோவிலில் மகாதீபம் ஏற்றப்பட்டது!: புகைப்படங்கள்

  • vivasayigal30

    நைஜீரியாவில் தீவிரவாதிகள் அட்டூழியம்!: அறுவடைக்கு சென்ற 100க்கும் மேற்பட்ட விவசாயிகள் கழுத்தறுத்து கொடூர கொலை..!!

படங்கள் வீடியோ கல்வி சினிமா ஜோ‌திட‌ம்