SUN குழுமத்திலிருந்து வெளிவரும் காலை நாளிதழ்

புதுச்சேரி சுற்றுலா தலங்களில் மக்கள் கூட்டம் அலைமோதல்

2018-01-02@ 14:58:34

புதுச்சேரி, ஜன. 2: புதுவையில் ஆங்கில புத்தாண்டு உற்சாகமாக கொண்டாடப்பட்டது. இதையொட்டி சுற்றுலா தலங்களில் பொதுமக்கள் கூட்டம் நிரம்பி வழிந்தது. புதுச்சேரி மாநிலம் புத்தாண்டு கொண்டாட்டத்துக்கு பெயர் போனது. அதன்படி, 2017ம் ஆண்டு புத்தாண்டு கொண்டாட்டத்துக்காக சென்னை, பெங்களூர் உள்ளிட்ட பல்வேறு இடங்களில் இருந்து சுற்றுலா பயணிகள் கடந்த வாரமே புதுவையில் குவியத் தொடங்கினர். இதனால் அனைத்து ஓட்டல்கள் மற்றும் விடுதிகள் நிரம்பின. மேலும் புதுச்சேரி நகரம் முழுவதும் வண்ண விளக்குகளால் அலங்கரிக்கப்பட்டு ஜொலித்தது.

இதையடுத்து நேற்று முன்தினம் இரவு புத்தாண்டை கொண்டாட கடற்கரை சாலை முழுவதும் சுற்றுலா பயணிகள், பொதுமக்கள் குவிந்தனர். 12 மணி ஆனதும் 'ஹேப்பி நியூ இயர்’ என புத்தாண்டு வாழ்த்துக்களை ஒருவருக்கு ஒருவர் பரிமாறிக் கொண்டனர். இதைத் தொடர்ந்து நேற்று காலை புதுச்சேயில் உள்ள கோயில்களில் நீண்ட வரிசையில் காத்திருந்து பொதுமக்கள் சாமி தரிசனம் செய்தனர். பின்னர் புதுவை கடற்கரைக்கு குடும்பத்துடன் சென்று பொழுதை போக்கினர். அங்கு முன்னெச்சரிக்கை நடவடிக்கையாக தடுப்பு கட்டைகள் அமைக்கப்பட்டு போலீசார் பாதுகாப்பு பணியில் ஈடுபட்டனர்.

மேலும், புதுச்சேரி நகராட்சி சார்பில் சுற்றுலா பயணிகள் நலன் கருதி குடிநீர் வசதி, கழிவறை வசதி உள்ளிட்டவை கடற்கரை சாலையில் கூடுதலாக ஏற்பாடு செய்யப்பட்டிருந்தது. மேலும் பாரதி பூங்கா, தாவரவியல் பூங்கா, ஆரோ கடற்கரை உள்ளிட்ட முக்கிய சுற்றுலா தலங்களிலும் பொதுமக்கள், சுற்றுலா பயணிகள் கூட்டம் அலைமோதியது. இதனால் புதுவை முழுவதும் நகரமே களைகட்டி காணப்பட்டது. இதன் காரணமாக முக்கிய சாலைகளில் போக்குவரத்து
நெரிசல் ஏற்பட்டது.

மேலும் செய்திகள்

Like Us on Facebook Dinkaran Daily News
  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

  • 03-06-2020

    03-06-2020 இன்றைய சிறப்பு படங்கள்

  • schoolopen3

    சிங்கப்பூரில் 2 மாதங்களுக்கு பிறகு பள்ளிகள் மீண்டும் திறப்பு: மாணவர்கள் முகக்கவசம் அணிந்து வருகை!!!

படங்கள் வீடியோ கல்வி சினிமா ஜோ‌திட‌ம்