SUN குழுமத்திலிருந்து வெளிவரும் காலை நாளிதழ்

வாக்கு இயந்திரத்தில் சீல் அகற்றப்பட்டதால் பரபரப்பு; பேட்டரியை எடுக்கவே அகற்றம் என காஞ்சிபுரம் ஆட்சியர் விளக்கம்

2019-04-19@ 09:04:46

காஞ்சிபுரம்: காஞ்சிபுரம் மாவட்டம் உத்திரமேரூர் தொகுதிக்கு உட்பட்ட இரு ஊராட்சிகளில் வாக்கு இயந்திரத்தில் சீல் அகற்றப்பட்டதால் பரபரப்பு ஏற்பட்டுள்ளது. காவந்தண்டலம் மற்றும் வாயலூரில் வாக்குப்பதிவு இயந்திரத்தில் தேர்தல் அலுவலர் சீலை அகற்றியதாக புகார் எழுந்துள்ளது. அனைத்து கட்சியினர் முன்னிலையில் வாக்கு இயந்திரத்தில் வைக்கப்பட்ட சீலை அகற்றியது ஏன் என்று பல்வேறு தரப்பினர் கேள்வி எழுப்பி வருகின்றனர். தமிழகத்தில் 38 மக்களவை தொகுதிக்கும், 18 சட்டமன்ற தொகுதிக்கும் நேற்று தேர்தல் நடைபெற்றது.

மொத்தமுள்ள 66,699 வாக்குச்சாவடி மையங்களிலும் காலை 7 மணி முதல் மாலை 6 மணி வரை வாக்குப்பதிவு நடைபெற்றது. மதுரை தொகுதியில் மட்டும் இரவு 8 மணி வரை வாக்குப்பதிவு நடைபெற்றது. வேலூர் தொகுதியில் தேர்தல் ரத்து செய்யப்பட்டது. நாடாளுமன்ற வாக்குப்பதிவின்போது எந்தவித அசம்பாவித சம்பவங்களும் நடைபெறாமல் இருக்க 160 கம்பெனி துணை ராணுவ வீரர்களும், சுமார் ஒரு லட்சத்து 35 ஆயிரம் போலீசார், முன்னாள் ராணுவத்தினர், ஊர்க்காவல் படையினர் பாதுகாப்பு பணியில் ஈடுபட்டிருந்தனர்.

தமிழகத்தில் மொத்தமுள்ள 66,699 வாக்குப்பதிவு மையங்களிலும் நேற்று மாலை 6 மணிக்கு வாக்குப்பதிவு முடிந்ததும், அனைத்துக்கட்சி ஏஜென்டுகள் முன்னிலையில் வாக்குப்பதிவு எந்திரத்துக்கு ஓட்டுச்சாவடி அலுவலர்கள் சீல் வைத்தனர். இதையடுத்து, வாக்குப்பதிவு எந்திரங்கள் அனைத்தும் பாதுகாப்புடன் வாகனங்களில் ஏற்றப்பட்டு, அந்தந்தந்த தொகுதிக்காக ஒதுக்கப்பட்டிருந்த ஸ்டிராங் ரூமுக்கு துப்பாக்கி ஏந்திய போலீஸ் பாதுகாப்புடன் எடுத்துச் செல்லப்பட்டது. இந்நிலையில் காஞ்சிபுரம் மாவட்டம் உத்திரமேரூர் தொகுதிக்கு உட்பட்ட இரு ஊராட்சிகளில் வாக்கு இயந்திரத்தில் சீல் அகற்றப்பட்டதால் பரபரப்பு ஏற்பட்டுள்ளது.

காஞ்சிபுரம் ஆட்சியர் விளக்கம்

காஞ்சிபுரம்: காவந்தண்டலம் மற்றும் வாயலூரில் வாக்குப்பதிவு இயந்திரத்தில் சீல் அகற்றப்பட்டது குறித்து காஞ்சிபுரம் ஆட்சியர் விளக்கம் அளித்துள்ளார். வாக்குப்பதிவு இயந்திரத்தில் பேட்டரியை எடுப்பதற்காகவே சீல் அகற்றப்பட்டது என்று ஆட்சியர் பொன்னையா விளக்கம் அளித்துள்ளார்.

மேலும் செய்திகள்

Like Us on Facebook Dinkaran Daily News
  • Ukrain_Russia

    கிழக்கு உக்ரைனில் தொடர்ச்சியாக தாக்குதல் நடத்தும் ரஷ்யப்படை... ஒரேநாளில் 12 பேர் பலியான சோகம்

  • somaaih111

    சோமாலியாவில் தலைவிரித்தாடும் உணவு பஞ்சம்.. பசி பட்டினியுடன் மக்கள்!!

  • HOTDOGGG111

    ஹாட் டாக் பன் சாப்பிடும் போட்டி : 10 நிமிடங்களில் 63 பன்கள் சாப்பிட்டு ஜோய் செஸ்ட்நட் என்பவர் சாம்பியன்..!

  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

படங்கள் வீடியோ கல்வி சினிமா ஜோ‌திட‌ம்