SUN குழுமத்திலிருந்து வெளிவரும் காலை நாளிதழ்

ஆகம விதி மீறல் தடுக்க கருத்து கேட்பு கூட்டம்
2012-08-20@ 01:08:21

சென்னை : திருவல்லிக்கேணி பார்த்தசாரதி கோயில் பிரகாரத்தில் ஆரம்ப காலத்தில் பதிக்கப்பட்டிருந்த கருங்கற்களுக்கு பதிலாக புதிதாக கருப்பு கிரானைட் கற்கள் பதிக்கப்பட்டுள்ளன. இதனால் பக்தர்கள் வெப்பம் தாங்க முடியாமல் பிரகாரத்தை சுற்றி வர மிகவும் சிரமப்படுகின்றனர். அதேபோல சிறிதளவு தண்ணீர் இருந்தாலும் வழுக்கி விழ வேண்டிய நிலை உள்ளது. இது தவிர பிரகாரத்திலிருந்து பார்த்தால் கோபுரம் தெரியாத அளவுக்கு மறைக்கும் வகையில் ஷெட் அமைக்கவும் முடிவு செய்யப்பட்டு பணிகள் நடந்து வருகின்றன.

ஏற்கனவே கிழக்கு கோபுரத்தின் முன்பாக இரு பக்கமும் ஷெட் அமைக்கப்பட்டுள்ளது. இதனால் சிறிது தொலைவிலிருந்து பார்த்தாலும் கோபுரம் தெரியாத நிலை ஏற்பட்டுள்ளது. தற்போது கோயிலின் உட்பக்கமும் ஷெட் அமைப்பதற்கு பக்தர்கள் எதிர்ப்பு தெரிவித்துள்ளனர். இவ்வாறு ஆகம விதிகளை மீறி நடக்கும் பணிகளை கண்டித்து பல்வேறு அமைப்புகள் சார்பில் ஆர்ப்பாட்டங்கள், கையெழுத்து இயக்கம், தெருமுனை பிரசாரம் நடத்தப்பட்டன. சில அமைப்புகள் கோர்ட்டிலும் முறையிட்டுள்ளன.

இந்நிலையில் கோயிலில் மேற்கொள்ளப்படும் பணிகளை நிறுத்தக்கோரி, கருத்து கேட்பு கூட்டம் திருவல்லிக்கேணியில் நேற்று நடந்தது. திருவல்லிக்கேணி குடியிருப்போர் நல சங்கங்கள், நண்பர்கள் குழு, ஸ்ரீனிவாஸ் இளைஞர்கள் நற்பணி சங்கம், திருவல்லிக்கேணி பிராமணர்கள் நல சங்கம், யாதவ சபை, இந்து முன்னணி மற்றும் இந்து அமைப்புகள் சார்பிலான பிரதிநிதிகளும் பொதுமக்களும் கலந்து கொண்டனர். கூட்டத்துக்கு வக்கீல் சம்பத்குமார் தலைமை வகித்தார். கூட்டத்தில், ஆகம விதி மீறி நடக்கும் பணிகளை நிறுத்த வலியுறுத்துவது, பார்த்தசாரதி கோயில் பாதுகாப்பு பேரவை என்ற அமைப்பை ஏற்படுத்தி, வரும் 25ம் தேதி கண்டன பேரணி நடத்துவது என தீர்மானம் நிறைவேற்றப்பட்டது.

sms spy app read spy apps free

மேலும் செய்திகள்

Like Us on Facebook Dinkaran Daily News
  • Ukrain_Russia

    கிழக்கு உக்ரைனில் தொடர்ச்சியாக தாக்குதல் நடத்தும் ரஷ்யப்படை... ஒரேநாளில் 12 பேர் பலியான சோகம்

  • somaaih111

    சோமாலியாவில் தலைவிரித்தாடும் உணவு பஞ்சம்.. பசி பட்டினியுடன் மக்கள்!!

  • HOTDOGGG111

    ஹாட் டாக் பன் சாப்பிடும் போட்டி : 10 நிமிடங்களில் 63 பன்கள் சாப்பிட்டு ஜோய் செஸ்ட்நட் என்பவர் சாம்பியன்..!

  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

படங்கள் வீடியோ கல்வி சினிமா ஜோ‌திட‌ம்