SUN குழுமத்திலிருந்து வெளிவரும் காலை நாளிதழ்

கர்நாடகாவில் இருந்து தமிழகத்துக்கு 4 மாதங்களில் 450 டிஎம்சி தண்ணீர் திறப்பு

2022-10-01@ 00:04:44

பெங்களூரு: கர்நாடகாவில் இருந்து கடந்த 4 மாதங்களில் தமிழகத்திற்கு 450 டிஎம்சி தண்ணீர் திறக்கப்பட்டதாக இம்மாநில நீர்ப்பாசன துறை அமைச்சர் கோவிந்தகார்ஜோள் தெரிவித்தார். இது குறித்து பெங்களூருவில் நேற்று அவர் அளித்த பேட்டி: கர்நாடகாவில் கடந்த 3 ஆண்டுகளாக நல்ல மழை பெய்து வருவதால், வறட்சி முழுமையாக நீங்கியுள்ளது. நதிகளில் வெள்ளப்பெருக்கு ஏற்பட்டுள்ளது. மாநிலம் முழுவதும் நதியோரங்களில் உள்ள 17 ஆயிரம் ஏரிகளில் நீர் நிரப்பும் பணி தொடங்கப்பட்டுள்ளது. நல்ல மழை காரணமாக நிலத்தடி நீர் மட்டம் 50 முதல் 65 சதவீதம் உயர்ந்துள்ளது. சிறு நீர்ப்பாசன துறையின் கட்டுப்பாட்டில் உள்ள ஏரிகள் தவிர, பெரிய நீர்ப்பாசன துறையின் கட்டுப்பாட்டில் உள்ள 4,502 ஏரிகளில் 1,298 ஏரிகள் முழுமையாக நிரம்பி உள்ளன. மற்ற 3,204 ஏரிகளை நிரப்பும் பணி நடக்கிறது. கர்நாடகா காவிரி நீர் பிடிப்பு பகுதியில் இருந்து இந்தாண்டு 273 டிஎம்சி தண்ணீர் வீணாக கடலில் கலந்துள்ளது. காவிரி நடுவர் மன்ற உத்தரவின்படி ஆண்டுக்கு 177 டிஎம்சி தண்ணீர் தமிழகத்திற்கு திறக்க வேண்டும். கடந்த ஜூன் 1 முதல் இன்று (நேற்று) வரை 450.53 டிஎம்சி தண்ணீர், தமிழகத்துக்கு திறக்கப்பட்டு உள்ளது. இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • perunad

    பெருநாட்டில் பயங்கர நிலச்சரிவு : 36 பேர் உயிரிழப்பு..!

  • turkeydeath11

    துருக்கியில் அடுத்தடுத்து 5 நிலநடுக்கங்கள்..வீதிகள் எங்கும் மரண ஓலம்... 6,000ஐ எட்டும் பலி எண்ணிக்கை!!

  • lantern-festival-china

    உச்ச கட்டத்தை எட்டியது புத்தாண்டு கொண்டாட்டம்: சீனாவில் களைகட்டிய விளக்கு திருவிழா..!!

  • CHINA-CAR-ACCIDENT

    சீனாவில் வாகனங்கள் அடுத்தடுத்து மோதி விபத்து: 16 பேர் உயிரிழப்பு

  • earthquake-6-turkey

    துருக்கி, சிரியாவில் ஏற்பட்ட சக்தி வாய்ந்த நிலநடுக்கத்தில் பலியானோர் எண்ணிக்கை 1,300-ஐ தாண்டியது..!!

படங்கள் வீடியோ கல்வி சினிமா ஜோ‌திட‌ம்