SUN குழுமத்திலிருந்து வெளிவரும் காலை நாளிதழ்

சென்னை மாநகராட்சி அதிரடி நடவடிக்கையால் 54 சதவீதம் பேர் அரையாண்டு காலத்திற்கு முன்பே சொத்து வரி செலுத்தி விட்டனர்: அதிகாரி தகவல்

2022-09-27@ 02:06:57

சென்னை: சென்னை மாநகராட்சியில் அரையாண்டு காலக்கெடுவுக்கு (செப்.30) முன்னதாகவே 54% பேர் சொத்து  வரி செலுத்தியுள்ளதாக அதிகாரிகள்  தெரிவித்துள்ளனர். சென்னையில் சுமார் 13 லட்சத்துக்கும் மேற்பட்ட சொத்து உரிமையாளர்கள் உள்ளனர். இவர்களில் 7 லட்சத்துக்கும் மேற்பட்டவர்களுக்கு சொத்து வரி குறித்த அறிவிப்பு அனுப்பி வைக்கப்பட்டுள்ளது. இதற்கிடையே சொத்து வரியை நீண்ட நாட்களுக்கு நிலுவையில் வைத்திருக்கும் வீட்டு உரிமையாளர்கள் மீது புதிய அதிரடி நடவடிக்கை எடுக்க சென்னை மாநகராட்சி முடிவு செய்துள்ளது. அதன்படி சொத்து வரியை நீண்ட நாட்களாக நிலுவையில் வைத்திருக்கும் கட்டிடங்களுக்கு  சீல் வைக்க சென்னை மாநகராட்சி முடிவெடுத்துள்ளது. அதற்கு முன்னதாக வரி நிலுவையில் உள்ள கட்டிடங்களுக்கு 3 முறை நோட்டீஸ் வழங்கி, 6 மாதம் அவகாசம் சென்னை மாநகராட்சி சார்பில்  கொடுக்கப்படும்.

வீட்டு உரிமையாளர்களே வீட்டை அளந்து வரி விதிப்பு பற்றி தெரிவிக்கலாம். சென்னையில் சொத்து வரியை முழுமையாக வசூல் செய்தால் ஆண்டுக்கு சென்னை மாநகராட்சிக்கு ரூ.1,400 கோடி வருமானம் கிடைக்கும் என்று தெரிய வந்துள்ளது. உயர்த்தப்பட்ட சொத்துவரி முழுமையாக வசூலிக்கப்பட்டால் சென்னை மாநகராட்சிக்கு மேலும் பல நூறு கோடி ரூபாய் வருவாய் கிடைக்க வாய்ப்புள்ளது. மேலும், சென்னையில் உள்ள சொத்துக்கு என்ஆர்ஐகள் முன்பணம் செலுத்தினால், இந்த அரையாண்டில் சொத்து வரி வசூல் ரூ.1,000 கோடியை எட்டும்.  என்ஆர்ஐகளுக்குச் சொந்தமான 20%க்கும் அதிகமான சொத்துக்களுக்கு பல ஆண்டுகளாக முன்கூட்டியே வரி செலுத்தப்படுகிறது. இதுவரை தொகையின் அடிப்படையில், சென்னை மாநகராட்சியில் இதுவரை ரூ.600 கோடி பெற்று 65% வசூலித்துள்ளது. எனவே, செப்டம்பர் 30ம் தேதிக்குள், 1,100 கோடி ரூபாய் வசூலாகும் என எதிர்பார்க்கப்படுகிறது.

இதுகுறித்து சென்னை மாநகராட்சி அதிகாரி கூறியதாவது: சென்னை மாநகராட்சியில் அரையாண்டுக்கு  ரூ.50,000க்கு மேல் செலுத்தும் பெரும் வரி செலுத்துவோர் பிரிவில் அதிகபட்சமாக 65% வசூல் பதிவு செய்யப்பட்டுள்ளது.  நகரில் உள்ள 13 லட்சம் சொத்து வரி செலுத்துபவர்களில் வெறும் 23,000 பேர் மட்டுமே இந்த அரையாண்டு காலத்தில் ரூ.50,000க்கு மேல் செலுத்த வேண்டியுள்ளது. உலக வங்கியின் வழிகாட்டுதல்களுக்கு இணங்க சொத்து வரி விகிதங்கள் உயர்த்தப்பட்ட பிறகு, அரையாண்டுக்கு ரூ.50,000க்கு மேல் செலுத்தும் பெரிய வரி செலுத்துவோர் எண்ணிக்கை 13,000ல் இருந்து 23,000 ஆக அதிகரித்துள்ளது. மாநகராட்சியின் மொத்த வருவாயில் ஒவ்வொரு சதவீத புள்ளி அதிகரிப்புக்கும் உலக வங்கி கூடுதல் தொகையை கடனாக வழங்கும்.  இது உண்மையில் குடிமை உள்கட்டமைப்பு மேம்பாட்டுக்கான கடனாகும். ஆனால் வட்டியை மாநில அரசு செலுத்தும்.  

எனவே, மாநகராட்சிக்கு, தெருவிளக்குகள், சாலைகள், வடிகால், திடக்கழிவு மேலாண்மை, மருத்துவமனைகள், பள்ளிகள், பூங்காக்கள், விளையாட்டு மைதானங்களை மேம்படுத்துவதற்கான திட்டங்களை மேம்படுத்த, உலக வங்கியின் கடனுதவி மானியமாக உள்ளது. இந்த அரையாண்டுக்கான சொத்து வரி வசூல் ஏற்கனவே ரூ.600 கோடியைத் தொட்டுள்ளது. 2021ம் ஆண்டின் அரையாண்டில் ரூ.450 கோடியாக இருந்தது. சென்னை மாநகராட்சிக்கு சொத்து வரிதான் முக்கிய வருவாய்.  குடியிருப்பாளர்கள் சரியான நேரத்தில் வரி செலுத்தினால் மட்டுமே, சென்னை போன்ற மெகா நகரத்தில் எதிர்பார்க்கப்படும் உலகத் தரம் வாய்ந்த குடிமைக் கட்டமைப்புகளை மாநகராட்சி வழங்க முடியும். இவ்வாறு அவர்கள் கூறினர்.

*கேஷ்பேக் சலுகை
சென்னையில் உள்ள அனைத்து  திரையரங்குகளிலும் மக்களை வரி செலுத்த வலியுறுத்தி விளம்பரப் படங்கள் திரையிடப்பட்டுள்ளன. தேர்ந்தெடுக்கப்பட்ட வரி செலுத்துவோருக்கு டிபிஎஸ்  வங்கியின் மூலம் இலவச திரைப்பட டிக்கெட்டுகளை வழங்கியுள்ளோம். பெடரல் வங்கி  மற்றும் எச்டிஎப்சி வங்கியிலிருந்து கேஷ்பேக் தொடங்கியுள்ளது. மேலும்,  நினைவூட்டல் எஸ்எம்எஸ் மற்றும் ஐவிஆர் அழைப்புகள் செய்யப்பட்டுள்ளன. மாநகராட்சியின் அனைத்து குப்பை வாகனங்களும் இந்த அறிவிப்பு செய்தியை எடுத்துச்  செல்கின்றன.

மேலும் செய்திகள்

Like Us on Facebook Dinkaran Daily News
  • erode-dmk-votes-2

    அனல் பறக்கும் ஈரோடு கிழக்கு தொகுதி இடைத்தேர்தல் களம்: திமுக அமைச்சர்கள் வீடு வீடாக சென்று தீவிர வாக்கு சேகரிப்பு..!!

  • scotland-bonfire-festival

    ஸ்காட்லாந்தில் பாரம்பரிய நெருப்புத் திருவிழா கோலாகலம்: முதல் முறையாக தீப்பந்தம் ஏந்தியவாறு பேரணி

  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

படங்கள் வீடியோ கல்வி சினிமா ஜோ‌திட‌ம்