ஹாக்கி இந்தியா அமைப்பின் தலைவராக முன்னாள் கேப்டன் திலீப் திர்கி போட்டியின்றி தேர்வு செய்யப்பட்டுள்ளார். 1998 ஆசிய விளையாட்டில் தங்கப் பதக்கம் வென்ற இந்திய அணியில் இடம் பெற்றிருந்த இவர், ஹாக்கி இந்தியா அமைப்பின் தலைவர் பொறுப்பை ஏற்கும் முதல் முன்னாள் வீரர் என்ற பெருமையை பெற்றுள்ளார். அக்டோபர் 1ம் தேதி தேர்தல் நடைபெற இருந்த நிலையில், திர்கியை எதிர்த்து வேறு யாரும் மனுதாக்கல் செய்யாததால் ஒருமனதாக தேர்வாகி உள்ளார்.