SUN குழுமத்திலிருந்து வெளிவரும் காலை நாளிதழ்

Dinakaran Daily news

பத்தே நாளில் விசாரணை முடிந்தது ஹிஜாப் வழக்கில் தீர்ப்பு ஒத்திவைப்பு: உச்ச நீதிமன்றம் அறிவிப்பு

2022-09-23@ 02:14:13

புதுடெல்லி: ஹிஜாப் வழக்கின் தீர்ப்பை தேதி குறிப்பிடாமல் உச்ச நீதிமன்றம் ஒத்திவைத்துள்ளது. கர்நாடகா கல்வி நிலையங்களில் முஸ்லிம் பெண்கள் ஹிஜாப் அணிவதற்கு கர்நாடகா அரசு தடை விதித்தது. இதை எதிர்த்து தொடரப்பட்ட வழக்கை விசாரித்த கர்நாடகா உயர் நீதிமன்றம், அரசின் உத்தரவு செல்லும் என்று கடந்த மார்ச்சில் அறிவித்தது. இந்த உத்தரவை எதிர்த்து, அகில இந்திய இஸ்லாமிய தனிநபர் சட்ட வாரியம், இஸ்லாமிய மாணவிகள் உள்ளிட்டோர் உச்ச நீதிமன்றத்தில் மேல்முறையீடு செய்தனர். நீதிபதிகள் ஹேமந்த் குப்தா, துலியா அடங்கிய அரசியல் சாசன அமர்வில் இந்த விசாரணை நடத்தப்பட்டது.

இந்த வழக்கு நேற்று விசாரணைக்கு வந்தபோது மனுதாரர் வழக்கறிஞர் செய்த வாதத்தில், ‘ஆடை அணிவது அடிப்படை உரிமை என நீங்கள் கூறுவீர்கள். ஆனால், ஆடையின்றி இருப்பதும் அடிப்படை உரிமைதான். சிலுவை, ருத்ராட்சம் போன்றவையும் மத அடையாளங்கள்தான். அவற்றை அணிந்து கொண்டு மாணவர்கள் கல்வி நிலையங்களுக்கு வரும்போது ஹிஜாபுக்கு மட்டும் ஏன் தடை விதிக்க வேண்டும்?’ என்றார். அப்போது குறுக்கிட்ட நீதிபதிகள், ‘சிலுவை, ருத்ராட்சம் போன்றவை ஆடைக்கு உள்ளே மறைக்கப்படுகிறது. அவை வெளியே தெரிவதில்லை. ஆனால், ஹிஜாப் வெளியே தெரியக் கூடியதாக இருக்கிறது,’ என தெரிவித்தனர்.

கர்நாடகா அரசு தரப்பு செய்த வாதத்தில், ‘குறிப்பிட்ட உடை உடுத்துவதைக் கண்டு மற்றவர்களுக்கு தாழ்வு மனப்பான்மை ஏற்படக் கூடாது என்பதே சீருடையின் நோக்கம். அந்த அடிப்படையில்தான் கல்வி நிலையங்களில் ஹிஜாப் அணிய தடை விதிக்கப்பட்டதே தவிர, மதத்தின் அடிப்படையில் இந்த தடை விதிக்கப்படவில்லை,’ என கூறப்பட்டது. ஒன்றிய அரசு தரப்பில் ஆஜரான சொலிசிட்டர் ஜெனரல் துஷார் மேத்தா,  ‘மதசார்பற்ற கல்வி நிலையங்களில், ஆடைகள் மத அடையாளத்தை வெளிப்படுத்தக் கூடாது. ஒருவேளை பார் கவுன்சில் திலகம் இடுவதற்கு தடை விதித்தால் நானும் அதை ஏற்பேன்,’ என்றார். அனைத்து தரப்பு வாதங்களையும் பதிவு செய்த நீதிபதிகள், வழக்கின் தீர்ப்பை தேதி குறிப்பிடாமல் ஒத்திவைத்தனர். கடந்த 5ம் தேதி தொடங்கிய இந்த விசாரணையை, 10 நாட்கள் உச்ச நீதிமன்றம் விசாரித்து முடித்துள்ளது.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்