SUN குழுமத்திலிருந்து வெளிவரும் காலை நாளிதழ்

தற்போது தாய்லாந்தில் தங்கியுள்ள நிலையில் அமெரிக்க கிரீன் கார்டுக்கு கோத்தபய விண்ணப்பம்

2022-08-19@ 16:03:50

கொழும்பு: தற்போது தாய்லாந்தில் தங்கியுள்ள கோத்தபய ராஜபக்சே, அமெரிக்காவில் குடியேற வசதியாக கிரீன் கார்டுக்கு விண்ணப்பித்துள்ளதாக தகவல்கள் தெரிவிக்கின்றன. இலங்கையின் முன்னாள் அதிபர் கோத்தபய ராஜபக்சே பதவி விலக கோரி மக்கள் தொடர் போராட்டங்களை நடத்தினர். அதனால் அவர் கடந்த மாதம் நாட்டை விட்டு வெளியேறி பாங்காக்கில் தங்கியுள்ளார். இந்த நிலையில் அவர் தனது மனைவி மற்றும் மகனுடன் அமெரிக்காவில் குடியேற உள்ளதாக கூறப்படுகிறது. இதற்காக அமெரிக்க கிரீன் கார்டு பெற விண்ணப்பித்துள்ளதாக தகவல்கள் தெரிவிக்கின்றன.

ராஜபக்சேவின் மனைவி லோமா ராஜபக்சே அமெரிக்காவில் இருப்பதால், அவர் அமெரிக்காவில் உள்ள வழக்கறிஞர்கள் மூலம் கிரீன் கார்டு பெறுவதற்கான செயல்முறையை தொடங்கியுள்ளார். ஏற்கனவே அவர் 1998ல் அமெரிக்காவில் குடியேறினார். அதன்பின் 2005ல் இலங்கை திரும்பினார். கடந்த 2019ம் ஆண்டு ஜனாதிபதித் தேர்தலில் போட்டியிடுவதற்காக அவர் தனது அமெரிக்க குடியுரிமையை துறந்தார்.

தற்போது சிக்கலில் சிக்கியுள்ளதால் மீண்டும் அமெரிக்காவில் குடியேற உள்ளதாக தகவல்கள் தெரிவிக்கின்றன. இதற்கிடையே வரும் நவம்பர் மாதம் வரை தாய்லாந்தில் இருப்பதற்கான தனது திட்டத்தை ரத்து செய்து, வரும் 25ம் தேதி கோத்தபய ராஜபக்சே இலங்கை திரும்புவார் என்றும் ஊடகங்கள் தெரிவிக்கின்றன.

Like Us on Facebook Dinkaran Daily News
  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்