SUN குழுமத்திலிருந்து வெளிவரும் காலை நாளிதழ்

Dinakaran Daily news

திருவள்ளூர் சுற்றுவட்டார பகுதிகளில் சூறைக் காற்றுடன் கன மழை: மரங்கள், பேனர்கள் விழுந்து 2 பேர் படுகாயம்

2022-08-19@ 00:34:53

திருவள்ளூர்: திருவள்ளூர் மற்றும் சுற்றுவட்டார பகுதிகளில் நேற்று முன்தினம் நள்ளிரவு சூறைக்காற்றுடன் பலத்த மழை பெய்ததில் மரங்கள், பேனர்கள் விழுந்தன. பேனர் விழுந்ததில் 2 பேர் படுகாயம் அடைந்தனர். திருவள்ளூர் மாவட்டத்தில் நேற்று முன்தினம் இரவு சூறைக் காற்றுடன் கனமழை பெய்தது. இதன்காரணமாக சாலைகளில் மழைநீர் பெருக்கெடுத்து ஓடியது. ஆங்காங்கே மரங்கள் சாய்ந்துவிழுந்தன. அரசியல் கட்சி பேனர்கள், விளம்பர பேனர்கள் அனைத்தும் காற்றில் பறந்துசென்றன.

திருவள்ளூர் நகரில் மின்சாரம் துண்டிக்கப்பட்டது. நகராட்சிக்கு உட்பட்ட மணவாளநகர், ஜே.என்.சாலை பூங்கா நகர், பெரியார் நகர், காமராஜபுரம் உள்ளிட்ட பல்வேறு பகுதிகளில் மரங்கள் வேரோடு சாய்ந்துவிழுந்தன. ஒரு சில இடங்களில் மரக் கிளைகள் முறிந்து சாலையில் விழுந்ததால் போக்குவரத்து பாதிக்கப்பட்டது. மேலும் அரசியல் கட்சி பேனர்கள் சூறாவளி காற்றில் அறுந்து விழுந்ததில் இரண்டு பேர் காயம் அடைந்தனர்.

திருவள்ளூர் நகராட்சி ஆணையர் க.ராஜலட்சுமி உத்தரவின்படி, சுகாதார அலுவலர் ஆர்.கே.கோவிந்தராஜ், சுகாதார அலுவலர் சுதர்சன் மற்றும் ஊழியர்கள் விரைந்து செயல்பட்டு சாலையில் விழுந்து கிடந்த மரங்களை வெட்டி உடனடியாக அப்புறப்படுத்தினர். இனிவரும் காலங்களில் நகராட்சி நிர்வாகம் அனுமதியின்றி விளம்பர போர்டுகளை வைத்தால் கடும் நடவடிக்கை எடுக்கப்படும்’’ என்று நகராட்சி ஆணையர் க.ராஜலட்சுமி எச்சரித்துள்ளார்.

நேற்றுமுன்தினம் நள்ளிரவில் திருவள்ளூரில் 6 செ.மீ மழை பதிவாகியுள்ளது. பூந்தமல்லி 4 செ.மீ, ஜமீன்கொரட்டூர், பள்ளிப்பட்டு தலா 3 செ.மீ. பூண்டி, ஆவடியில் தலா 2 செ.மீ மழை பதிவாகியுள்ளது.

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்