SUN குழுமத்திலிருந்து வெளிவரும் காலை நாளிதழ்

Dinakaran Daily news

காஷ்மீரில் ஆப்பிள் தோட்டத்தில் தீவிரவாதிகள் தாக்குதல் பண்டித் சுட்டுக்கொலை

2022-08-17@ 00:03:53

ஸ்ரீநகர்: ஜம்மு காஷ்மீரில் தீவிரவாதிகள் தாக்குதலில் காஷ்மீர் பண்டித் சுட்டுக் கொல்லப்பட்டார். அவரது சகோதரர் பலத்த காயமடைந்தார். ஜம்மு காஷ்மீரில் கடந்த ஒரு வாரமாக பொதுமக்கள் மீது தீவிரவாதிகள் தாக்குதல் நடத்த தொடங்கி உள்ளனர். நவ்ஹட்டாவில் கடந்த ஞாயிறன்று போலீசார் ஒருவர் தீவிரவாதிகளால் சுட்டுக் கொல்லப்பட்டார். பண்டிபோராவில் கடந்த வாரம் புலம் பெயர்ந்த தொழிலாளியை தீவிரவாதிகள் சுட்டுக் கொன்றனர். பத்காம் மற்றும் ஸ்ரீநகரில் கடந்த ஞாயிறன்று 2 கையெறி குண்டுகளை வீசி தாக்குதல் நடத்தப்பட்டது.

இந்நிலையில், சோபியான் மாவட்டத்தில் உள்ள சோடிபோராவில் ஆப்பிள் தோட்டத்தில் இருந்த பொதுமக்கள் மீது நேற்று தீவிரவாதிகள் துப்பாக்கிச்சூடு நடத்தினர். இதில், காஷ்மீர் பண்டித் ஒருவர் சம்பவ இடத்திலேயே உயிரிழந்தார். மேலும், அவருடைய சகோதரர் பலத்த காயமடைந்தார். சம்பவ இடத்திற்கு விரைந்த போலீசார் காயமடைந்தவரை மீட்டனர். விசாரணையில் தீவிரவாதிகளால் கொல்லப்பட்டவர் சுனில் குமார் என்பது தெரிய வந்தது. பண்டித்கள் மீதான தீவிரவாதிகளின் தாக்குதல் அதிகமாகி வருவதால், மாநிலத்தை விட்டு வெளியேறி பாதுகாப்பான இடங்களுக்கு போகும்படி பண்டித் சங்கத்தின் தலைவர்கள் வலியுறுத்தி உள்ளனர். இதனால், பெரும் பரபரப்பு ஏற்பட்டுள்ளது.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்