SUN குழுமத்திலிருந்து வெளிவரும் காலை நாளிதழ்

உத்திரமேரூர் அருகே புதுப்பிக்கப்பட்ட நூலகம் திறக்கப்பட வேண்டும்; கிராம மக்கள் கோரிக்கை

2022-08-13@ 01:15:27

உத்திரமேரூர்: உத்திரமேரூர் அருகே புதுப்பிக்கப்பட்ட நூலகம் திறக்கப்பட வேண்டும் என கிராம மக்கள் கோரிக்கை வைத்தனர். உத்திரமேரூர் அடுத்த அரசாணிமங்கலம் கிராமத்தில் அண்ணா மறுமலர்ச்சி திட்டத்தின் கீழ் கடந்த 2007ம் ஆண்டு புதியதாக நூலகம் அமைக்கப்பட்டது. இந்த நூலகத்தில் அரசாணிமங்கலம் கிராமத்தை சேர்ந்த இளைஞர்கள், பொதுமக்கள், மாணவ - மாணவிகள் என அனைத்து தரப்பினர்களும் பயன்பெற்று வந்தனர். இந்த நூலகத்தில் பல்வேறு வகையிலான சிறப்புமிக்க புத்தகங்கள் பொதுமக்கள் பயன்பாட்டிற்காக வைக்கப்பட்டிருந்தது. இந்நிலையில், கடந்த 6 ஆண்டுகளுக்கு மேலாக இந்த நூலகம் திறக்கப்படாமல் பூட்டியே இருந்தது.

இதனால், நூலக கட்டிடத்திற்கு உள்ளே உள்ள புத்தகங்கள் பாழாகியது. இதுமட்டுமின்றி இந்த நூலகத்தின் கட்டிடமும் பழுதடைந்து காணப்பட்டது. இந்நிலையில், இந்த நூலகத்திற்கு அண்மையில் அண்ணா மறுமலர்ச்சி திட்டத்தின் கீழ் சுமார்  ரூ.1 லட்சம் ஒதுக்கீடு செய்யப்பட்டு கட்டிடம் புதுப்பிக்கப்பட்டு தற்போது புதுப்பொலிவுடன் காணப்படுகிறது. எனினும், நூலகத்தில் இருந்த புத்தகங்கள் பல ஆண்டுகளாக உபயோகிக்காமல் இருந்ததால் பல புத்தகங்கள் வீணாகி போனது. எனவே, மாவட்ட நிர்வாகம் சம்மந்தபட்ட துறையினருக்கு உத்தரவிட்டு சீரமைக்கப்பட்ட இந்த நூலகத்திற்கு தன்னார்வலர்கள் உள்ளிட்டோர் மூலம் புதிய புத்தகங்கள் வழங்கி நூலகத்திற்கு நூலகரை நியமித்து உடனடியாக திறக்க நடவடிக்கை எடுக்க வேண்டும் என கிராம மக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்