SUN குழுமத்திலிருந்து வெளிவரும் காலை நாளிதழ்

ஆசிய கோப்பை டி20 அணி வங்கதேசம் இன்று அறிவிப்பு: தீர்ந்தது ஷாகிப் பிரச்னை

2022-08-13@ 01:05:24

டாக்கா: ஆசிய கோப்பை டி20 கிரிக்கெட்டில் விளையாடும் வங்க தேச அணி இன்று அறிவிக்கப்பட உள்ளது. ஆசிய  நாடுகளுக்கு இடையிலான டி20 கிரிக்கெட் போட்டி  இம்மாதம் 27ம் தேதி தொடங்குகிறது. ஐக்கிய அரபு அமீரகத்தில் நடக்கும் இந்தப் போட்டியில் பங்கேற்கும் இந்தியா, பாகிஸ்தான்  நாடுகளை தவிர வங்கதேசம், இலங்கை, ஆப்கானிஸ்தான் நாடுகள் தங்கள் அணிகளை இன்னும் அறிவிக்கவில்லை. இதற்கிடையில் வங்கதேசம் தனது அணியையும்,  கேப்டனையும் நேற்று முன்தினம் அறிவிப்பதாக இருந்தது. ஆனால் அறிவிக்கவில்லை. அதற்கு காரணம்  ‘முக்கிய வீரர்கள் காயத்தில் இருந்து  இன்னும் குணமாகவில்லை’ என்று கூறப்படுகிறது.

ஆனால் முன்னணி வீரரான ஷாகிப் அல் ஹசன் , ‘பெட் வின்னர்’ என்ற நிறுவனத்துடன் ஒப்பந்தம் செய்த பிரச்னைதான் முக்கிய காரணம் என்ற  விவரம் வெளியாகி உள்ளது. ‘அந்த நிறுவனத்தின் ‘ஒப்பந்தத்தை’  முழுமையாக தவிர்த்தால் மட்டுமே அணியில் இடம் பெற வாய்ப்பு கிடைக்கும்’ என்று வங்கதேச கிரிக்கெட் வாரிய நிர்வாகிகள் உறுதிப்பட  தெரிவித்துள்ளனர்.

அதனை ஷாகிப்பும் ஏற்றுக் கொண்டதாக நேற்று தகவல் வெளியாகி உள்ளது. அதனால் ‘சனிக்கிழமை(இன்று) மதியம், ஆசிய கோப்பையில் விளையாட உள்ள அணி வீரர்கள், கேப்டன் உள்ளிட்ட விவரங்கள் வெளியிடப்படும் ’என்று வங்கதேச கிரிக்கெட் வாரியத்தின் செயல்தலைவர் ஜலால் யூனுஸ் தெரிவித்துள்ளார்.

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்