SUN குழுமத்திலிருந்து வெளிவரும் காலை நாளிதழ்

வாலிபர் கொலை வழக்கில் நீதிமன்றத்தில் 4 பேர் சரண்; காவலில் எடுத்து விசாரிக்க முடிவு

2022-08-12@ 01:07:28

புழல்: மாதவரம் சீதாபதி 16வது தெருவை சேர்ந்தவர் மதன் (எ) மதன்குமார் (35). இவர் சோழவரம் அடுத்த விஜயநல்லூர் பகுதியில் உள்ள தனியார் லாரி பார்க்கிங் யார்டில், வேலை செய்து வந்துள்ளார். இந்நிலையில், ஆந்திராவில் இருந்து லாரிகளில் வரும் கம்பிகளை டிரைவர்களின் அனுமதியுடன் சில்லறையாக விற்பனை செய்துவந்துள்ளார். இவருக்கு உதவியாக 4 பேர் இருந்துள்ளனர். நேற்று முன்தினம் இரவு சுமார் 11 மணிக்கு பார்க்கிங் யார்டில் மதன்குமார் முகம் சிதைந்த நிலையில் பலத்த வெட்டு காயங்களுடன் இறந்து கிடந்தார்.

தகவலறிந்த  சோழவரம் போலீசார் சம்பவ இடத்துக்கு  விரைந்து, மதன்குமார் சடலத்தை மீட்டு ஸ்டான்லி அரசு மருத்துவமனைக்கு பிரேத பரிசோதனைக்கு அனுப்பி வைத்தனர். மேலும்,  இதுபற்றி வழக்குப்பதிவு செய்து விசாரணை நடத்தி வந்தனர். இந்தநிலையில், மதன்குமார் கொலை தொடர்பாக நெல்லை மாவட்டம் மலையடிபுதூர் மாவடி பருத்திவளை தெருவை சேர்ந்த சுரேஷ் (34), திருக்குறுங்குடி பகுதியை சேர்ந்த சுந்தர் (24), தூத்துக்குடி செய்துங்கநல்லூர் கண்ணன் சோலை பகுதியை சேர்ந்த முத்துமனோகர் (22), துரைபாண்டியன் (எ) தினேஷ் (22) ஆகியோர் நேற்று காலை தூத்துக்குடி நீதிமன்றத்தில் சரணடைந்தனர். இதையடுத்து அவர்களை  போலீஸ் காவலில் எடுத்து விசாரிக்க சோழவரம் போலீசார் முடிவு செய்துள்ளனர்.

மேலும் செய்திகள்

Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்