SUN குழுமத்திலிருந்து வெளிவரும் காலை நாளிதழ்

ஆந்திராவுக்கு கடத்த முயன்ற 3,750 கிலோ ரேஷன் அரிசி பறிமுதல்: ஒருவர் கைது

2022-08-09@ 00:06:27

அம்பத்தூர்: சென்னை மற்றும் புறநகர் பகுதிகளில் இருந்து சிலர் ரேஷன் அரிசியை ஆந்திர மாநிலத்திற்கு கடத்துவதாக வந்த புகாரின் பேரில், குடிமைப்பொருள் வழங்கல் மற்றும் குற்றப்புலனாய்வு பிரிவு போலீசார் நேற்று முன்தினம் பல்வேறு பகுதிகளில் வாகன தணிக்கையில் ஈடுபட்டனர். அப்போது, ஆவடி கர்லப்பாக்கம் கருநீகர் தெருவில் உள்ள காலி மனையில், சந்தேகத்திற்கிடமான வகையில் நின்றிருந்த மினி வேனை, குடிமைப்பொருள் வழங்கல் மற்றும் குற்றப்புலனாய்வு பிரிவு காவல் ஆய்வாளர் சசிகலா மற்றும் போலீசார் சோதனை செய்தனர்.

அப்போது, அந்த வேனில் மூட்டை மூட்டையாக 3,750 கிலோ ரேஷன் அரிசி இருந்தது. அதை பறிமுதல் செய்தனர். அந்த வேனில் இருந்தவரை பிடித்து பட்டரைவாக்கம் காவல் நிலையத்தில் ஒப்படைத்தனர். விசாரணையில் ஆவடியை சேர்ந்த நந்தீஸ்வரன் (25) என்பதும், இவர் ரேஷன் அரிசியை ஆந்திராவுக்கு கடத்திச்சென்று அதிக விலைக்கு விற்க முயன்றது தெரியவந்தது. அவரை கைது செய்து, நீதிமன்றத்தில் ஆஜர்படுத்தி, சிறையில் அடைத்தனர்.

மேலும் செய்திகள்

Like Us on Facebook Dinkaran Daily News
  • om-mathan-kark

    சாதனை படைக்க வயசு தடை இல்லை: எவரெஸ்ட் அடிவாரத்துக்கு நடந்தே சென்று சாதித்த 6 வயது சிறுவனின் சாகச பயணம்..!

  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

படங்கள் வீடியோ கல்வி சினிமா ஜோ‌திட‌ம்