SUN குழுமத்திலிருந்து வெளிவரும் காலை நாளிதழ்

வரும் 13 முதல் 15ம் தேதி வரை அனைத்து வீடுகளிலும் தேசிய கொடி ஏற்ற வேண்டும்; எல்.முருகன் வேண்டுகோள்

2022-08-08@ 01:45:43

சென்னை: வரும் 13 முதல் 15ம் தேதி வரை அனைத்து வீடுகளிலும் தேசியக்கொடியை ஏற்ற வேண்டும் என ஒன்றிய இணை அமைச்சர் எல்.முருகன் வேண்டுகோள் விடுத்தார். சென்னை அரும்பாக்கதில் உள்ள தனியார் கல்லூரியில் சுதந்திர போராட்ட  வீரர்களின் வாழ்கை வரலாறு குறித்து ஓலம் என்ற காணொலி வெளியீட்டு நிகழ்ச்சி நடைபெற்றது. இந்த நிகழ்ச்சியில் ஒன்றிய இணை அமைச்சர் எல்.முருகன், கல்லூரியின் நிறுவனர் ஏ.சி.சண்முகம் ஆகியோர் கலந்துகொண்டனர். பின்னர் ஒன்றிய இணை அமைச்சர் எல்.முருகன் பேசியதாவது: தென்னிந்திய ஆய்வு படிப்பு மையம் சார்பில் தயாரிக்கப்பட்டுள்ள ‘ஓலம்’ காணொலியானது வளமான பாரதத்தை சூழ்ச்சியின் காரணமாக வீழ்த்தி மீண்டும் எழுச்சி கண்ட கதையை விளக்குகிறது.

 75 வது சுதந்திர தினத்தை கொண்டாடும் நேரத்தில் வ.உ.சியின் 150வது பிறந்த தினம் வருவது மேலும் சிறப்பு வாய்ந்தது. பிரதமர் விடுத்த அழைப்பின்படி, வரும் 13 முதல் 15ம் தேதி வரை அனைத்து வீடுகளிலும் தேசியக்கொடியை ஏற்ற வேண்டும். இளைஞர் மத்தியில் அக்னி பாதை திட்டம் வரவேற்பை பெற்றுள்ளது. லட்சக்கணக்கான இளைஞர்கள் தாமாகவே முன்வந்து அக்னிபாதை திட்டத்திற்கு பதிவு செய்து வருவதாக கூறினார். இந்தியாவின் 100வது சுதந்திர தினத்தை கொண்டாட உள்ள 2047ம் ஆண்டில் அப்துல் கலாம் கண்ட  கனவுபடி, இந்தியா உலகிற்கே வழிகாட்டியாக திகழும். இவ்வாறு பேசினார்.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்