SUN குழுமத்திலிருந்து வெளிவரும் காலை நாளிதழ்

அயோத்தி நில மோசடியில் மேயர், பாஜ எம்எல்ஏக்கள்; 40 பேர் பட்டியல் வெளியிட்டது ஆணையம்

2022-08-08@ 00:01:01

அயோத்தி: அயோத்தியில் சட்டவிரோத நில விற்பனையில் நகர மேயர், முன்னாள், இந்நாள் பாஜ எம்எல்ஏ.க்கள் உள்பட 40 பேருக்கு தொடர்பு இருப்பதாக அயோத்தி மேம்பாட்டு ஆணையம் குற்றம் சாட்டியுள்ளது. அயோத்தியில் ராமர் கோயில் கட்டப்படுவதையொட்டி, அங்கு நிலத்தின் மதிப்பு பல மடங்கு அதிகரித்துள்ளது. இதை பயன்படுத்தி பாஜ பிரமுகர்கள் நிலத்தை குறைந்த விலைக்கு வாங்கி, அதிக விலைக்கு விற்று பல்வேறு மோசடிகளில் ஈடுபடுவதாக எதிர்க்கட்சிகள் குற்றம்சாட்டின. இதுதொடர்பாக, சிறப்பு புலனாய்வு குழு அமைத்து விசாரிக்க வேண்டுமென உபி முதல்வர் யோகி ஆதித்யநாத்திடமும் வலியுறுத்தப்பட்டது. இந்நிலையில், அயோத்தி மேம்பாட்டு ஆணையத்தின் துணைத்தலைவர் விஷால் சிங், அயோத்தியில் மேயர், பாஜ எம்எல்ஏக்கள் உட்பட 40 பேர் மோசடி செய்ததாக நேற்று பட்டியல் வெளியிட்டது பரபரப்பை ஏற்படுத்தி உள்ளது.

அயோத்தி நிலத்தை சட்டவிரோதமாக பிளாட், கட்டிடங்கள் கட்டி விற்றதில் நகர மேயர் ரிஷிகேஷ் உபாத்யாய், எம்எல்ஏ. வேத் பிரகாஷ் குப்தா, மில்கிபூர் தொகுதி பாஜ முன்னாள் எம்எல்ஏ. கோரக்நாத் பாபா உள்பட 40 பேருக்கு தொடர்பு இருப்பதாக அயோத்தி மேம்பாட்டு ஆணையத்தின் துணைத் தலைவர் விஷால் சிங் கூறி உள்ளார். இந்த விவகாரம் சர்ச்சையான நிலையில், மாநில அரசின் நிர்வாக துறை, ‘அயோத்தி நில விவகாரம் பற்றிய பட்டியல்  குறித்து விசாரிக்கப்பட்டு வருகிறது. அதற்குள்ளாக இந்த பட்டியலை அவசரப்பட்டு வெளியிடப்பட்டுள்ளது. விசாரணை முடிந்ததும் இதில் ஈடுபட்டவர்கள்  மீது சட்ட ரீதியிலான நடவடிக்கை எடுக்கப்படும்’ என்று தெரிவித்துள்ளது.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்