SUN குழுமத்திலிருந்து வெளிவரும் காலை நாளிதழ்

அரசு ஊழியர்கள் மீதான சஸ்பெண்ட், ஒழுங்கு நடவடிக்கைக்கு காலக்கெடு நிர்ணயம்; வழிகாட்டுதலை பின்பற்றாவிட்டால் கடும் நடவடிக்கை: தலைமை செயலாளர் இறையன்பு உத்தரவு

2022-08-07@ 00:50:22

சென்னை: அரசு ஊழியர்கள் மீதான சஸ்பெண்ட், துறை ரீதியிலான நடவடிக்கைகளை எடுக்க காலக்கெடு நிர்ணயிக்கப்பட்டுள்ளது. இதற்கான அரசின் வழிகாட்டு நெறிமுறைகளை கடைபிடிக்காவிட்டால் அதிகாரிகள் மீது கடும் நடவடிக்கை எடுக்கப்படும்  என தலைமை செயலாளர் இறையன்பு உத்தரவிட்டுள்ளார். இதுகுறித்து, தமிழக தலைமை செயலாளர் இறையன்பு பிறப்பித்துள்ள அரசாணையில் கூறப்பட்டுள்ளதாவது:

அரசு துறைகளின் அதிகாரிகள், தங்கள் கீழ் பணியாற்றும் ஊழியர்கள் மீது துறை ரீதியிலான நடவடிக்கை, ஒழுங்கு நடவடிக்கை மற்றும் சஸ்பெண்ட் செய்யும்போது கவனமுடனும், சுயகட்டுப்பாட்டுடனும் பாரபட்சம் பார்க்காமல் எடுக்க வேண்டும். சஸ்பெண்ட் என்ற இறுதி முடிவு எடுப்பதற்கு முன்பு அது அவசியம் தானா என்பதை சம்பந்தப்பட்ட அதிகாரி நினைவில் கொள்ள வேண்டும். ஒருவரை நீண்டகாலமாக சஸ்பெண்ட்டில் வைத்திருப்பது என்பது, அந்த அரசு ஊழியரிடம் இருந்து எந்த பணியையும் வாங்காமல் அவருக்கு ஊதியம் வழங்குவது போன்றதாம்.

மேற்கண்ட நிலைப்பாட்டை கருத்தில் கொண்டு சம்பந்தப்பட்ட அதிகாரி முன்பாக அனைத்து காரணிகளையும் பரிசீலித்து அரசின் நலன், பொது நலன் கருதி, ஊழியரின் விஷயத்தில் இறுதி முடிவை எடுப்பதற்கு முன்பாக அவசர கோலத்தில் இடைநீக்கத்தை நாடக்கூடாது. ஒழுங்கு நடவடிக்கையின் அடிப்படையில் ஒரு அரசு ஊழியர் இடைநீக்கம் செய்யப்பட்ட இடத்தில் அதற்குரிய விசாரணை நடவடிக்கைகளை 6 மாத காலத்திற்குள் முடிக்க வேண்டும். ஊழல் வழக்கில் தொடர்புள்ள ஊழியர் மீதான விசாரணை அறிக்கையை அரசுக்கு ஓராண்டுக்குள் தாக்கல் செய்ய வேண்டும். ஒருவேளை குறிப்பிட்ட காலத்திற்குள் விசாரணை முடிக்கப்படவில்லை எனில் அவ்வழக்கு குறித்த முன்னேற்றம், முடிக்க தேவையான கூடுதல் கால அவகாசம் போன்ற காரணங்களை ஒவ்வொரு மூன்று மாதங்களுக்கு ஒருமுறை அறிக்கையாக சம்பந்தப்பட்ட துறையின் தலைவர், அரசாங்கத்திடம் இதுதொடர்பாக புகார் அளிக்கலாம். முதற்கட்ட நடவடிக்கையை தொடங்கிய அதிகாரி துறை தலைவராக இருந்தால், அந்த அறிக்கை அரசுக்கு அனுப்ப வேண்டும்.

ஊழியருக்கு எதிரான உண்மைகளை ஆதாரமாக கொண்டு ஆய்வு செய்யவும்.  கட்டணங்களுக்காக, பொது நலன் அல்லது மேலதிக நடவடிக்கைகளின் தேவைக்காக ஏற்கனவே இடைநீக்கத்தில் உள்ள அரசு ஊழியரை தொடர்ந்து இடைநீக்கம் செய்ய வேண்டும். மேலே குறிப்பிட்டுள்ள நேர வரம்புகள் அரசு ஊழியர்கள் மீது குற்றவியல் நடவடிக்கைகள் தொடங்கப்பட்டுள்ள வழக்குகளுக்கு பொருந்தாது.  

இருப்பினும், அத்தகைய கிரிமினல் வழக்கில் வழக்கு தொடர அனுமதிக்கும் போது ஒருமுறை ஏற்கனவே குறிப்பிடப்பட்டுள்ள விஷயங்களை பரிசோதித்துக்கொள்ள வேண்டும். வழக்கை ஆராயும்போது, ​​தொடர்ச்சியான இடைநீக்கம் தேவையில்லை என்று கருதப்பட்டால், விதி 17(இ)ன் கீழ் வழங்கப்பட்ட அதிகாரங்களைப் பயன்படுத்தி இடைநீக்கம் திரும்பப் பெற லாம்.

அதன்படி ஒரு ஆண்டுக்குள் விஜிலென்ஸ் மற்றும் ஊழல் தடுப்பு இயக்குனரகத்தில் விசாரணையை முடித்து ஓராண்டுக்குள் அதற்கான அறிக்கையை அரசுக்கு அனுப்ப வேண்டும். ஓராண்டுக்குள் தீர்ப்பாயத்தின் விசாரணையை முடித்து அதன் முடிவுகளை செயலகத்துறைக்கு அனுப்ப வேண்டும். தீர்ப்பாயத்தின் அறிக்கை கிடைத்தவுடன் அரசு/ துறைத்தலைவர்களால் இறுதி உத்தரவுகளை 4 மாதத்திற்குள் இயற்ற வேண்டும்.  ஒழுங்குமுறை விஷயங்களைக் கையாளும் அனைத்து அதிகாரிகளும் மேலே உள்ள பரிந்துரைக்கப்பட்ட வழிகாட்டுதல்கள் / நேர வரம்புகளைப் கண்டிப்பாக பின்பற்ற வேண்டும்.  தவறினால், தவறு செய்த அதிகாரிகள் மீது கடும் நடவடிக்கை எடுக்கப்படும். இவ்வாறு அரசாணையில் கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்