SUN குழுமத்திலிருந்து வெளிவரும் காலை நாளிதழ்

Dinakaran Daily news

வரலட்சுமி நோன்பையொட்டி நெல்லையப்பர் கோயிலில் பெண்கள் 1008 சுமங்கலி பூஜை

2022-08-06@ 13:58:54

நெல்லை : நெல்லை டவுன்  நெல்லையப்பர் - காந்திமதி அம்பாள் கோயிலில் வரலட்சுமி நோன்பையொட்டி  1008 சுமங்கலி பூஜையில் குடும்ப நன்மை வேண்டி திரளான பெண்கள் கலந்து கொண்டனர்.டவுன் நெல்லையப்பர் காந்திமதி அம்பாள் கோயிலில்  இந்து ஆலய பாதுகாப்பு இயக்கம், கோயில் கிளை கமிட்டியுடன் இளைய பாரதம் இணைந்து நடத்திய 7வது ஆண்டு வரலட்சுமி  நோன்பையொட்டி நேற்று காலையில் அம்பாள் சன்னதியில் 1008 சுமங்கலி பூஜை  நடந்தது. இதையொட்டி அம்மன் சன்னதியில் சுவாமி, அம்பாளுக்கு சிறப்பு அலங்கார தீபாராதனை நடந்தது. இதைதொடர்ந்து குடும்ப நன்மை வேண்டி திரளான சுமங்கலி பெண்கள் பூஜையில் பங்கேற்றனர்.

இந்து  ஆலய பாதுகாப்பு இயக்கம், நெல்லையப்பர் காந்திமதிமதி அம்பாள் கோயில் கிளைக்  கமிட்டியினர், ராஜகோபால், குணசீலன், ஐகோர்ட் மகாராஜா, மணிகண்ட மகாராஜன்,  நிதிஷ்முருகன், ஆதிமூலம் ஆகியோர் ஏற்பாடுகளை செய்திருந்தனர். இந்த பூஜையில்  பங்கேற்ற பெண்கள் கலசெம்பு, மஞ்சள் தடவிய தேங்காய்கள், தாம்பூல தட்டு,  கற்பூர தட்டு, மஞ்சள், குங்குமம், தாலிக் கயிறு வெற்றிலை, பாக்கு வைத்து வரலட்சுமி வேண்டி வணங்கி வழிபாடு செய்தனர்.

அம்மன் சன்னதி ஆயிரங்கால் மண்டபம், கொடிமரம் பகுதி, சங்கிலி மண்டபம், வெளி பிரகாரங்களில் 1008 சுமங்கலிகள் பங்கேற்ற சுமங்கலி பூஜை நடந்தது. இதில் குடும்பத்துடன் திரளான பெண்கள் கலந்து கொண்டு சுவாமி, நெல்லையப்பர் காந்திமதி அம்மனை வழிபட்டனர்.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்