SUN குழுமத்திலிருந்து வெளிவரும் காலை நாளிதழ்

சேந்தமங்கலத்தில் இரு சமூகத்தினர் இடையே பயங்கர மோதல் - கல்வீச்சு

2022-08-04@ 00:41:19

சேந்தமங்கலம்: சேந்தமங்கலத்தில் நடந்த வல்வில் ஓரி விழாவின்போது இரு சமூகத்தினரிடையே பயங்கர மோதல் ஏற்பட்டது. நாமக்கல் மாவட்டம், சேந்தமங்கலத்தில் இருந்து ஒரு குறிப்பிட்ட சமூகத்தினர், சங்ககிரியில் உள்ள தீரன் சின்னமலை நினைவு மண்டபத்தில் மரியாதை செலுத்தும் நிகழ்ச்சியில் கலந்து கொள்வதற்காக, ஐந்துக்கும் மேற்பட்ட கார்களில் நேற்று புறப்பட்டு சென்றனர். அதே போல், ஈரோட்டில் இருந்து கொல்லிமலையில் வல்வில் ஓரி சிலைக்கு மாலை அணிவிக்க, பத்துக்கும் மேற்பட்ட கார்களில் மற்றொரு சமூகத்தினர் சென்று கொண்டிருந்தனர். சேந்தமங்கலம் வண்டிப்பேட்டை ரவுண்டானாவில் இரு தரப்பினரும் ஒருவரை ஒருவர் திட்டிக் கொண்டனர்.

இதனால் அவர்களுக்குள் மோதல் ஏற்பட்டது. அப்போது ஒரு தரப்பினர், மற்றொரு தரப்பினரின் கொடியை கிழித்தெறிந்தனர். இதனால் ஆத்திரம் அடைந்த அந்த சமூகத்தினர் 50க்கும் மேற்பட்டோர், எதிர் சமூகத்தினரின் கார்களை கற்கள் மற்றும் தடியால் அடித்து நொறுக்கினர். மேலும் கற்களை வீசி தாக்குதல் நடத்தினர். இதில் 10க்கும் மேற்பட்ட கார்களின் கண்ணாடிகள் நொறுக்கப்பட்டது. அந்த இடமே போர்க்களம் போல் ஆனது. காரில் இருந்தவர்கள் நாலாபுறமும் தலைதெறிக்க ஓட்டம் பிடித்தனர். தகவல் அறிந்த போலீசார் அங்கு விரைந்து வந்தனர். இதையடுத்து அனைவரும் தப்பித்து ஓடினர்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்