SUN குழுமத்திலிருந்து வெளிவரும் காலை நாளிதழ்

மதுரை கோயில் திருவிழாவில் கொதிக்கும் கூழ் அண்டாவில் தவறி விழுந்து முதியவர் பலி: வீடியோ வைரல்

2022-08-03@ 00:04:00

மதுரை: மதுரை கோயில் திருவிழாவில் தயாரிக்கப்பட்ட கொதிக்கும் கூழ் அண்டாவில் விழுந்து ஒருவர் உயிரிழந்த வீடியோ காட்சி சமூக வலைத்தளங்களில் நேற்று வைரலானதால் பரபரப்பு ஏற்பட்டது. மதுரை, பழங்காநத்தம் மாடக்குளத்தை சேரந்தவர் முத்துக்குமரன் (52). தனியார் நிறுவன ஊழியர். இவர், அப்பகுதியில் உள்ள முத்துமாரியம்மன் கோயில் விழா கமிட்டியில் நிர்வாகியாவார். கடந்த ஜூலை 29ம் தேதி, ஆடி வெள்ளிக்கிழமை அன்று  இக்கோயிலில் கூழ் காய்ச்சி ஊற்றும் நிகழ்ச்சி நடந்தது. கோயில் முன் 6 பெரிய அண்டாக்களில் கொதிக்க, கொதிக்க கூழ் தயாராகிக் கொண்டிருந்தது. இந்த பணிகளை பார்வையிட முத்துக்குமரன் அங்கு வந்தார்.

திடீரென அவருக்கு வலிப்பு ஏற்பட்டது. இதில் நிலைதடுமாறிய அவர், கொதிக்கும் கூழ் அண்டாவில் சரிந்து விழுந்தார். அருகில் இருந்தவர்கள் பதறியடித்து ஓடிச்சென்று அவரை மீட்க முயல்வதற்குள் உள்ளே மூழ்கிவிட்டார். கூழ் கொதித்துக்ெகாண்டிருந்ததால் அண்டாவை கீழே தள்ளி முத்துக்குமரனை மீட்டு உடனே மதுரை அரசு மருத்துவமனைக்கு கொண்டு சென்றனர். அங்கு தீவிர சிகிச்சை அளித்தும், பலனின்றி அவர் பரிதாபமாக இறந்தார். அவரை மீட்க முயன்ற 3 பேருக்கும் பலத்த காயம் ஏற்பட்டது. முத்துக்குமரன் கூழ் அண்டாவில் விழும் காட்சி அப்பகுதியில் உள்ள சிசிடிவி கேமராவில் பதிவாகி இருந்தது. இக்காட்சி சமூக வலைத்தளங்களில் நேற்று வைரலானதால் பரபரப்பு ஏற்பட்டது.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்