SUN குழுமத்திலிருந்து வெளிவரும் காலை நாளிதழ்

இலங்கை - பாகிஸ்தான் அணிகளுக்கு இடையேயான 2-வது டெஸ்ட் போட்டி: 246 ரன்கள் வித்தியாசத்தில் இலங்கை அணி அபார வெற்றி

2022-07-28@ 16:39:22

கொழும்பு: இலங்கை - பாகிஸ்தான் அணிகளுக்கு இடையேயான 2-வது டெஸ்ட் போட்டியில் இலங்கை அணி 246 ரன்கள் வித்தியாசத்தில் அபார வெற்றி பெற்றுள்ளது. இந்த வெற்றியின் மூலம் 1-1 என்ற கணக்கில் இலங்கை அணி சமன் செய்தது.

இலங்கையில் சுற்றுப்பயணம் மேற்கொண்டு 2 டெஸ்ட் போட்டிகள் கொண்ட தொடரில் பாகிஸ்தான் அணி விளையாடியது. இந்த தொடரின் முதல் போட்டியில் பாகிஸ்தான் அணி 4 விக்கெட்டுகள் வித்தியாசத்தில் இலங்கை அணியை வீழ்த்தியிருந்தது.

இந்நிலையில் 2-வது டெஸ்ட் போட்டி கடந்த 24-ம் தேதி தொடங்கியது. இதில் டாஸ் வென்ற இலங்கை அணி பேட்டிங்கை தேர்வு செய்து முதல் இன்னிங்சில் 378 ரன்கள் குவித்து ஆல்அவுட் ஆனது. இதை தொடர்ந்து களமிறங்கிய பாகிஸ்தான் அணி அனைத்து விக்கெட்டுகளை இழந்து 231 ரன்கள் குவித்தது.

இதையடுத்து 147 ரன்கள் முன்னிலையுடன் இரண்டாவது இன்னிங்சை தொடங்கிய இலங்கை அணி 360 ரன்கள் குவித்து டிக்ளேர் செய்தது. இலங்கை அணி தரப்பில் தனஞ்ஜெய டி சில்வா சதம் அடித்து அசத்தினார். இதன் மூலம் 508 ரன்கள் என்ற கடின இலக்கை வெற்றி இலக்காக இலங்கை அந்த நிர்ணயித்தது.

இரண்டாவது இன்னிங்சை தொடங்கிய பாகிஸ்தான் அணி 261 ரன்களுக்கு ஆல்அவுட் ஆனது. இதனால் இலங்கை அணி 246 ரன்கள் வித்தியாசத்தில் தொடரையும் சமன் செய்தது.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்