SUN குழுமத்திலிருந்து வெளிவரும் காலை நாளிதழ்

நன்னடத்தை பிணையை மீறிய ரவுடிக்கு 294 நாட்கள் சிறை: மயிலாப்பூர் துணை கமிஷனர் உத்தரவு

2022-07-25@ 02:16:00

சென்னை: நன்னடத்தை பிணையை மீறிய ரவுடிக்கு 294 நாட்கள் சிறை தண்டனை விதித்து மயிலாப்பூர் துணை கமிஷனர் திஷா மிட்டல் உத்தரவிட்டுள்ளார்.சென்னை திருவல்லிக்கேணி அயோத்தியா நகரை சேர்ந்தவர் கீதன் (25). ரவுடியான இவர் மீது, 2 கொலை முயற்சி உள்பட 7 குற்ற வழக்குகள் நிலுவையில் உள்ளன. மேலும், மெரினா காவல் நிலைய சரித்திரப் பதிவேடு குற்றவாளி ஆவார். கடந்த 6.5.2022 அன்று கீதன், மயிலாப்பூர் துணை கமிஷனர் திஷா மிட்டல் முன்பு ஆஜராகி, தான் திருந்தி வாழப்போவதாக கூறி ஒரு வருட காலத்திற்கு எந்தவொரு குற்றச்செயலிலும் ஈடுபடமாட்டேன் என நன்னடத்தை உறுதிமொழி பிணைப்பத்திரம் எழுதி கொடுத்தார்.

ஆனால் ரவுடி கீதன், கடந்த 15ம் தேதி மெரினா பகுதியில் ஐஸ்கிரீம் வியாபாரியிடம் கத்தியை காட்டி வழிப்பறி செய்த வழக்கில் மெரினா போலீசார் கீதனை கைது செய்தனர். பிறகு நன்னடத்தை பிணைப்பத்திரத்தை மீறிய குற்றத்திற்காக மயிலாப்பூர் துணை கமிஷனர் திஷா மிட்டல் முன்பு போலீசார் ஆஜர்படுத்தினர். அதைதொடர்ந்து செயல்முறை நடுவராகிய மயிலாப்பூர் துணை கமிஷனர், ரவுடி கீதனுக்கு நன்னடத்தை பிணைப்பத்திரம் எழுதி கொடுத்த நாட்களை கழித்து மீதமுள்ள 294 நாட்கள் சிறை தண்டனை வழங்கி உத்தரவிட்டார். அதன்படி போலீசார் கீதனை ைகது செய்து சிறையில் அடைத்தனர்.

மேலும் செய்திகள்

Like Us on Facebook Dinkaran Daily News
  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

படங்கள் வீடியோ கல்வி சினிமா ஜோ‌திட‌ம்