SUN குழுமத்திலிருந்து வெளிவரும் காலை நாளிதழ்

விழுப்புரம் மாவட்டத்தில் அரசு பள்ளிகளுக்கு இலவச நோட்டுகள் அனுப்பும் பணி தீவிரம்-விடுபட்டவர்களுக்கு சீருடைகளும் அனுப்பி வைப்பு

2022-07-22@ 14:45:00

விழுப்புரம் : விழுப்புரம் மாவட்டத்தில் அரசு பள்ளி மாணவ, மாணவிகளுக்கு இலவச நோட்டுகள் அனுப்பும் பணி நடைபெற்று வருகிறது. அதேபோல் விடுபட்டவர்களுக்கும் இலவச சீருடைகளும் அனுப்பி வைக்கப்பட்டு வருகின்றன.விழுப்புரம் மாவட்டத்தில் அரசு நகராட்சி தொடக்கப்பள்ளிகள், நடுநிலைப்பள்ளிகள், உயர்நிலை, மேல்நிலைப்பள்ளிகள் என 1,806 பள்ளிகள் உள்ளன. நடப்பு கல்வியாண்டில் வகுப்புகள் துவங்கப்பட்டு நடைபெற்று வருகின்றன. வகுப்புகள் தொடங்கியதும் மாணவ- மாணவிகளுக்கு அரசின் சார்பில் விலையில்லா பாடப்புத்தகங்கள் வழங்கப்பட்டன.

அரசு பாடநூல் கழகத்தின் மூலம் சென்னை, ஐதராபாத், ஒடிசா உள்ளிட்ட பல்வேறு இடங்களில் உள்ள அச்சகத்தில் புத்தகங்கள் அச்சடிக்கப்பட்டு அவை தமிழகத்தில் உள்ள அனைத்து மாவட்டங்களுக்கும் அனுப்பி வைக்கப்பட்டன. விழுப்புரம் மாவட்டத்தை பொறுத்தவரை அரசு பள்ளிகளில் பயிலும் 1ம் வகுப்பு முதல் 12 ம் வகுப்பு வரை 4லட்சம் மாணவ, மாணவிகளுக்கு இலவச நோட்டு புத்தகங்கள் வழங்கப்பட்டுள்ளன.

தற்போது 1 முதல் 10ம் வகுப்பு வரையிலான மாணவ, மாணவிகள்2லட்சத்து 3 ஆயிரம் பேருக்கு இலவச ேநாட்டுகளும், 1 முதல் 8ம் வகுப்பு வரையிலான 1லட்சத்து 50 ஆயிரம் மாணவ, மாணவிகளுக்கு இலவச சீருடைகளும் வழங்கப்பட உள்ளன. இதற்கான பணிகள் தீவிரமடைந்துள்ளது.

10ம் வகுப்பு வரை உள்ள மாணவ, மாணவிகளுக்கு இலவச நோட்டுகள் அனுப்பும் பணி மும்முரமாக நடைபெற்று வருகின்றது. அதேபோல் செஞ்சி, திண்டிவனம் கல்வி மாவட்டத்திற்கு உட்பட்ட பள்ளிகளுக்கும் அப்பகுதியில் இருந்து அனுப்பப்பட்டு வருகின்றன. அதேபோல் விடுபட்ட மாணவ, மாணவிகளுக்கும் இலவச சீருடைகள் அந்தந்த பள்ளிகளுக்கு அனுப்பி வைக்கப்பட்டு வழங்கப்பட்டு வருகின்றன.

இதனை அந்தந்த பள்ளி தலைமை ஆசிரியர்கள் நேரடியாக கல்வி மாவட்ட அலுவலகங்களுக்கு சென்று தங்கள் பள்ளியில் உள்ள மாணவ, மாணவிகளின் எண்ணிக்கைக்கு ஏற்ப நோட்டுகளை பெற்று அவற்றை வாகனங்களில் பள்ளிக்கு கொண்டு சென்று பாதுகாப்பாக இறக்கி மாணவ, மாணவிகளுக்கு வழங்கி வருகின்றனர். அதே போல் மேல்நிலைப்பள்ளியில் பயிலும் அரசு பள்ளி மாணவ, மாணவிகளுக்கு இலவச சைக்கிள் தயாரிக்கும் பணி மும்முரமாக நடந்து வருகிறது.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்