SUN குழுமத்திலிருந்து வெளிவரும் காலை நாளிதழ்

ஆதிதிராவிடர், பழங்குடியினர் விடுதிகளில் மாணவர் சேர்க்கை: தமிழக அரசு அறிவிப்பு

2022-07-21@ 00:25:40

சென்னை: ஆதிதிராவிடர் மற்றும் பழங்குடியினர் விடுதிகளில் மாணவ - மாணவிகள் சேர்க்கைக்கான நெறிமுறைகளை தமிழக அரசு வெளியிட்டுள்ளது.

இதுகுறித்து ஆதிதிராவிடர் மற்றும் பழங்குடியின நலத்துறை ஆணையர் மணிவாசன் பிறப்பித்துள்ள அரசாணையில் கூறி இருப்பதாவது:
ஆதிதிராவிடர் நல ஆணையரின் கருத்தை அரசு பரிசீலனை செய்து, அதன் அடிப்படையில் ஆதிதிராவிடர் நல பள்ளி, கல்லூரி விடுதிகளில் தங்கி கல்வி பயிலும் மாணவ - மாணவிகள் சேர்க்கைக்கான பின்வரும் விதிமுறைகள் மற்றும் வழிகாட்டு நெறிமுறைகளை அரசு வெளியிடுகிறது.

* ஆதிதிராவிடர் நல விடுதிகளில் தங்கி கல்வி பயில விரும்பும் மாணவ - மாணவிகள் https:tnadw.hms.in என்ற இணையதளத்தில் விண்ணப்பிக்க வேண்டும்.
* இணையதளத்தில் பதிவேற்றம் செய்யப்பட்ட விண்ணப்பங்கள் சம்பந்தப்பட்ட மாவட்ட ஆதிதிராவிடர் மற்றும் பழங்குடியினர் நல அலுவலரால் விடுதி வாரியாக பரிசீலனை செய்யப்பட வேண்டும். தகுதியுள்ள நபர்களை மாவட்ட அளவிலான ஆலோசனை குழுவினை கூட்டி தேர்வு செய்ய வேண்டும்.
* ஒவ்வொரு கல்வியாண்டின் தொடக்கத்திலும் விடுதியில் தங்கி பயிலும் மாணாக்கர் புதுப்பித்தல் விண்ணப்பித்தினை இணைய வழியில் விண்ணப்பிக்க வேண்டும்.
* 4ம் வகுப்பு முதல் கல்லூரி வரை பயிலும் ஆதிதிராவிடர், பழங்குடியினர், கிறித்துவ மதம் மாறிய ஆதிதிராவிடர் மாணாக்கர் 85 சதவீதம், மிகவும் பிற்படுத்தப்பட்ட வகுப்பின மாணாக்கர் 10 சதவீதம், பிற வகுப்பினர்கள் 5 சதவீதம் என்ற விகிதத்தில் தேர்வு செய்ய வேண்டும்.
* பள்ளிக்கும் வீட்டிற்குமான தொலைவு 5 கிலோ மீட்டருக்கு மேல் இருக்க வேண்டும். பெற்றோரை இழந்த மாணவர்களுக்கு இந்த நிபந்தனை பொருந்தாது.
* பெற்றோர்ஆண்டு வருமானம் ரூ.2,50,000 த்திற்கு மிகாமல் இருக்க வேண்டும்.
* அரசு மற்றும் அரசு உதவி பெறும் பள்ளிகள், கலை மற்றும் அறிவியல் கல்லூரிகளில் கல்வி பயிலும் மாணாக்கருக்கு முன்னுரிமை அளிக்கப்பட வேண்டும்.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்