SUN குழுமத்திலிருந்து வெளிவரும் காலை நாளிதழ்

Dinakaran Daily news

பேரண்டூர் கிராமத்தில் நூலக கட்டிடத்தில் அங்கன்வாடி மையம்

2022-07-20@ 02:01:18

பெரியபாளையம்: பேரண்டூர் கிராமத்தில் அங்கன்வாடி மையத்திற்கு கட்டிடம் இல்லாததால் நூலக கட்டிடத்தில் அங்கன்வாடி மையம் இயங்கி வருகிறது. எல்லாபுரம் ஒன்றியம் ஊத்துக்கோட்டை அருகே பேரண்டூர் ஊராட்சியில் சுமார் 2500க்கும் மேற்பட்ட மக்கள் வசித்து வருகின்றனர். இந்த பகுதியில் உள்ள அரசு நடுநிலைப்பள்ளி வளாகத்தில் கடந்த 30 ஆண்டுகளுக்கு முன்பு கட்டப்பட்டு ஓடு போட்ட அங்கன்வாடி கட்டிடம் செயல்பட்டு வந்தது. இந்த அங்கன்வாடி மையத்தில் கிராமத்தைச் சேர்ந்த சுமார் 30-க்கும் மேற்பட்ட குழந்தைகள் பயல்கின்றனர்.

30 ஆண்டுகள் ஆன கட்டிடம் என்பதால் அந்த கட்டிடம் பழுதடைந்து  கட்டிடத்தில் மேல் உள்ள ஓடுகள் உடைந்து அதிலிருந்து மழை நீர் ஒழுகும் நிலை ஏற்பட்டது. மேலும் மழைநீர் உள்ளே வந்ததால் அங்குள்ள அரிசி, பருப்பு உள்ளிட்ட பொருட்களும் மழைநீரில் நனைந்து வீணாகியது. மேலும் பழைய கட்டிடம் என்பதால் எந்த நேரத்திலும் சரிந்து விழும் நிலை ஏற்பட்டது. இந்த காரணத்தினால் அங்குள்ள நூலக கட்டிடத்தில் தற்போது இந்த அங்கன்வாடி மையம் செயல்பட்டு வருகிறது.

இதனால் இந்த நூலகத்திற்கு நாள்தோறும் நாளிதழ்களும் படிப்பதற்கு வந்து செல்லும் அப்பகுதி மக்கள் சிரமப்படுகின்றனர். எனவே பழுதடைந்த அங்கன்வாடி கட்டிடத்தை அகற்றிவிட்டு  புதிய கான்கிரீட் கட்டிடம் கட்டித் தர வேண்டும் என பொதுமக்கள் கோரிக்கை வைத்துள்ளனர்.

குழந்தைகளுக்கு சிரமம்
பொதுமக்கள் கூறுகையில், `ஒரே கட்டிடத்தில் இரண்டு நிர்வாகம் செயல்பட்டு வருவதால் குழந்தைகள் படிப்பதற்கு மிகவும் சிரமம் ஏற்பட்டுள்ளது. இதுகுறித்து பலமுறை சம்பந்தப்பட்ட வட்டார வளர்ச்சி அலுவலகம் மற்றும் ஊராட்சி நிர்வாகத்திற்கு கோரிக்கை வைத்தும் எவ்வித நடவடிக்கை எடுக்கப்படவில்லை’ என தெரிவித்தனர்.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்