SUN குழுமத்திலிருந்து வெளிவரும் காலை நாளிதழ்

திருவானைக்காவல், லால்குடி ஆம்பரவனேஸ்வரர் கோயில்களில்; ஓலைச்சுவடிகளை ஆவணப்படுத்தும் பணி துவக்கம்

2022-07-15@ 20:57:04

திருச்சி: திருவானைக்காவல் ஜம்புகேஸ்வரர், லால்குடி ஆம்பரவனேஸ்வரர் கோயில்களில் ஓலைச்சுவடிகளை ஆவணப்படுத்தும் பணி துவங்கியுள்ளது.
பஞ்சபூத தலங்களில் நீர் ஸ்தலமான திருச்சி திருவானைக்காவல் ஜம்புகேஸ்வரர் கோயிலில் 200 ஆண்டுகளுக்கு முன்பு கோயிலின் வரவு செலவு கணக்குகளை பனை ஓலைச்சுவடிகளில் குறித்து வந்துள்ளனர். அதில் பால், நெல், நெய், பழங்கள் போன்றவை குறித்த வரவு செலவுகளும் இடம் பெற்றுள்ளது. இப்படி பயன்படுத்திய 7 ஆயிரம் ஓலைச்சுவடிகள் தற்போது வரை கோயிலில் மர பீரோவில் கதர் துணியால் சுற்றப்பட்டு பராமரிக்கப்பட்டு வருகிறது. இந்த ஓலைச்சுவடிகளை மொழியாக்கம் செய்து பாதுகாக்கப்பட வேண்டும் என்ற கோரிக்கை இருந்தது.

இந்நிலையில் கோயில்களிலும், மடங்களிலும் உள்ள அரிய பனை ஓலைச்சுவடிகள் பாதுகாக்க நடவடிக்கை மேற்கொள்ளப்படும் என தமிழக அரசு தெரிவித்தது. அதன்படி ஓலைச்சுவடிகளை தூரிகை கொண்டு துடைத்தல், சுவடி நூல்குறிப்புகளை அட்டவணைப்படுத்துதல் ஆகிய பணிகளை மேற்கொள்ள சென்னை உலக தமிழ் ஆராய்ச்சி நிறுவனத்தில் தமிழ்இலக்கியம் மற்றும் சுவடியியல் துறை மூலமாக 6 பேர் கொண்ட குழுவை நியமித்துள்ளது.
இந்த குழுவினர் திருவானைக்காவல் கோயிலில் முதற்கட்டமாக கடந்த 1-ம் தேதி முதல் ஓலைச்சுவடிகளை அட்டவணை படுத்தும் பணிகளில் ஈடுபட்டு வருகின்றனர். இம்மாத இறுதிக்குள் பணிகள் முடியும் என எதிர்பார்க்கப்படுகிறது.

இதற்கிடையில் ஓலைச்சுவடிகளை பராமரிப்பு தொடர்பான பணிகளை நேற்றுமுன்தினம் இந்து சமய அறநிலையத்துறை கூடுதல் ஆணையர் ஹரிப்பிரியா ஆய்வு செய்தார். அப்போது பணிகளை துரிதமாக முடிக்க உத்தரவிட்டு தேவையான ஆலோசனைகளை வழங்கினார்.இதேபோல் லால்குடி ஆம்பரவனேஸ்வரர் கோயிலிலும் இந்த பணிகள் நடந்து வருகிறது. ரங்கம் ரங்கநாதர் கோயிலில் ஏற்கனவே ஓலைச்சுவடிகள் பாதுகாக்கப்பட்டு பராமரிக்கப்பட்டு வருவது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்