SUN குழுமத்திலிருந்து வெளிவரும் காலை நாளிதழ்

Dinakaran Daily news

கடனுக்காக உறவினர்கள் டார்ச்சர் தேனி எஸ்பி அலுவலகத்தில் பெண் தீக்குளிக்க முயற்சி

2022-07-12@ 12:47:54

தேனி : கடனை உடனே கேட்டு உறவினர்கள் தொல்லை கொடுப்பதாக கூறி, இளம்பெண் தேனி எஸ்.பி அலுவலக வளாகத்தில் தீக்குளிக்க முயன்றார். தேனி மாவட்டம், கூடலூர் கன்னிகாளிபுரம் பகுதியை சேர்ந்தவர் சிவனேஷ் மனைவி கவுமாரி. இவர் தனது மகன்கள் மணிவேல், கிஷோர் வேல், தாயார் காந்திமதி ஆகியோருடன் நேற்று தேனி மாவட்ட போலீஸ் எஸ்பி அலுவலகத்திற்கு வந்தார். அப்போது கவுமாரி திடீரென தனது உடலில் மண்ணெண்ணெய்யை ஊற்றி தீக்குளிக்க முயற்சித்தார். பாதுகாப்பு பணியில் இருந்த போலீசார் தடுத்து, அவரை மீட்டு தேனி அரசினர் மருத்துவக் கல்லூரி மருத்துவமனைக்கு அனுப்பி வைத்தனர்.

இதுகுறித்து விசாரித்த போது, கவுமாரி கடந்த இரண்டு ஆண்டுகளுக்கு முன்பாக பண்டக சாலை நடத்துவதற்காக உறவினர்கள் சிலரிடம் ரூ.20 லட்சம் வரை கடனாக பெற்று கடை ஆரம்பித்துள்ளார். கடை ஆரம்பித்த நிலையில் கொரோனா தொற்று பரவி தொழில் பாதிக்கப்பட்டது. இதனால் இவருக்கும் இவரது கணவருக்கும் இடையே பிரச்சனை ஏற்பட்டது. இதையடுத்து கணவர் சிவனேஷ் பிரிந்து சென்றதாக கூறப்படுகிறது.  இந்நிலையில், தொழில் நடத்த கொடுத்த கடன் தொகையை கேட்டு உறவினர்கள் கவுமாரியை நச்சரித்து வந்ததாக கூறப்படுகிறது. இதனால் மனமுடைந்த கவுமாரி நேற்று தேனி மாவட்ட போலீஸ் எஸ்பி அலுவலகம் வந்து தற்கொலைக்கு முயன்றதாக கூறினார். இச்சம்பவம் குறித்து தேனி போலீசார் விசாரணை நடத்தி வருகின்றனர்.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்