SUN குழுமத்திலிருந்து வெளிவரும் காலை நாளிதழ்

மணிப்பூர் நிலச்சரிவில் 8 பேர் புதைந்து பலி; ராணுவ வீரர்கள் உட்பட 70 பேர் மாயம்

2022-07-01@ 00:03:55

இம்பால்: மணிப்பூரில் ஏற்பட்ட நிலச்சரிவில் சிக்கி 8 பேர் உயிரிழந்தனர். பிராந்திய ராணுவ வீரர்கள் உட்பட 70க்கும் மேற்பட்டோர் மாயமாகி உள்ளனர். அவர்களை தேடும் பணியில் பேரிடர் மீட்பு படையினர் ஈடுபட்டுள்ளனர். வடகிழக்கு மாநிலங்களில் கடந்த ஒரு மாதமாகவே கனமழை பெய்து வருகிறது. அசாம், திரிபுராவில் பெய்த மழையால், வெள்ளப்பெருக்கு ஏற்பட்டு இந்த மாநிலங்களில் பலத்த சேதம் ஏற்பட்டுள்ளது. பல லட்சம் மக்கள் பாதிக்கப்பட்டு உள்ளனர். அசாமில் மழை, வெள்ளத்தால் நூற்றுக்கும் மேற்பட்டோர் பலியாகி உள்ளனர். இந்நிலையில், மணிப்பூரிலும் தற்போது பலத்த மழை பெய்து வருகிறது.

இங்குள்ள நோனி மாவட்டத்தின் துப்புல் யார்டு ரயில்வே கட்டுமான முகாம் அருகே நேற்று முன்தினம் இரவு பெரும் நிலச்சரிவு ஏற்பட்டது. இதில் சிக்கி 8 பேர் பலியாகினர். அவர்களின் சடலங்கள் மீட்கப்பட்டுள்ளன. இந்த  நிலச்சரிவில்  பிராந்திய ராணுவ வீரர்கள், தொழிலாளர்கள் உட்பட 70 பேர் சிக்கி இருப்பதாக சந்தேகிக்கப்படுகிறது.  அவர்களை  தேடும் பணி தீவிரமாக நடைபெற்று வருகிறது. நிலச்சரிவின்போது ராட்சத பாறைகள் உருண்டு, இஜெய் ஆற்றில் விழுந்ததால் ஏராளமானோர் இதில் சிக்கி புதைந்து இருக்கலாம் என கருதப்படுவதால் பதற்றம் நிலவுகிறது. இதனால், மீட்பு பணிகள் துரிதப்படுத்தப்பட்டு உள்ளன.

மேலும், நிலச்சரிவினால் சரிந்த மண், பாறைகள் இஜெய் ஆற்றில் விழுந்ததால், நீரோட்டம் தடைப்பட்டு இங்குள்ள அணை உடையும் அபாயமும் ஏற்பட்டுள்ளது. அணை உடைந்தால் நோனி மாவட்டத்தின் தாழ்வான பகுதிகளில் பெரும் அழிவு ஏற்படும். இதனால், அப்பகுதி மக்கள் எச்சரிக்கப்பட்டு உள்ளனர். மேலும், தேசிய நெடுஞ்சாலை 37ல் பல இடங்களில் சேதம் ஏற்பட்டு இருப்பதால், போக்குவரத்து பாதித்துள்ளது.  மீட்பு பணிகள் குறித்து ரயில்வே அமைச்சர் அஸ்வினி வைஷ்ணவ், மணிப்பூர் முதல்வர் பிரேன் சிங்கிடம் ஒன்றிய உள்துறை அமைச்சர் அமித்ஷா தொலைபேசியில் கேட்டறிந்தார்.

இதுகுறித்து அமித்ஷா வெளியிட்டுள்ள டிவிட்டர் பதிவில், ‘மணிப்பூரில் உள்ள துபுல் ரயில் நிலையம் அருகே நிலச்சரிவு ஏற்பட்டதை அடுத்து முதல்வர் பிரேன் சிங், அஸ்வினி வைஷ்ணவ் ஆகியோரிடம் பேசினேன். மீட்புப் பணிகள் முழுவீச்சில் நடைபெற்று வருகின்றன. தேசிய பேரிட மீட்புக்குழு ஏற்கனவே மீட்புப் பணிகளில் ஈடுபட்டுள்ளது. மேலும், 2 குழுக்கள் துபுலுக்குச் செல்கிறது,’ என்று கூறி உள்ளார். இந்நிலையில், நிலச்சரிவில் சிக்கி உயிரிழந்தவர்களுக்கு ஆளுநர் இல.கணேசன் இரங்கல் தெரிவித்துள்ளார்.

Like Us on Facebook Dinkaran Daily News
  • erode-dmk-votes-2

    அனல் பறக்கும் ஈரோடு கிழக்கு தொகுதி இடைத்தேர்தல் களம்: திமுக அமைச்சர்கள் வீடு வீடாக சென்று தீவிர வாக்கு சேகரிப்பு..!!

  • scotland-bonfire-festival

    ஸ்காட்லாந்தில் பாரம்பரிய நெருப்புத் திருவிழா கோலாகலம்: முதல் முறையாக தீப்பந்தம் ஏந்தியவாறு பேரணி

  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

படங்கள் வீடியோ கல்வி சினிமா ஜோ‌திட‌ம்