SUN குழுமத்திலிருந்து வெளிவரும் காலை நாளிதழ்

ஊராட்சி தலைவர் தகுதி நீக்கம்

2022-06-30@ 16:43:17

பழநி: திண்டுக்கல் மாவட்டம், பழநி அருகே தொப்பம்பட்டி ஒன்றியம், புஷ்பத்தூர் ஊராட்சி தலைவர் செல்வராணி. பாஜவை சேர்ந்தவர். துணை தலைவராக மஞ்சுளாதேவி உள்ளார். தவிர, 11 வார்டு உறுப்பினர்கள் உள்ளனர். ஊராட்சி தலைவர் செல்வராணியின் கணவர் மகுடீஸ்வரன் ஊராட்சி நிர்வாகத்தில் தலையீடு செய்வதாகவும், நலத்திட்ட பணிகள் எதுவும் செய்ய விடுவதில்லை எனவும் வார்டு உறுப்பினர்கள் புகார் தெரிவித்திருந்தனர்.
இதையடுத்து, சில மாதங்களுக்கு முன்பு ஊராட்சி தலைவரான செல்வராணியின் காசோலை அதிகாரம் மாவட்ட நிர்வாகத்தால் பறிக்கப்பட்டது.

மேலும், ஊராட்சி தலைவரை தகுதிநீக்கம் செய்ய கூறி வார்டு உறுப்பினர்கள் மாவட்ட கலெக்டரிடம் முறையீடு செய்திருந்தனர். இதன்படி கடந்த வாரம் வருவாய் கோட்டாட்சியர் முன்னிலையில் வார்டு உறுப்பினர்களிடம் கருத்து கேட்பு கூட்டம் நடத்தப்பட்டது. இதில் வார்டு உறுப்பினர்கள் தெரிவித்த கருத்துக்கள் கலெக்டரிடம் அறிக்கையாக சமர்பிக்கப்பட்டிருந்தன. இதனடிப்படையில் கலெக்டர் விசாகன் புஷ்பத்தூர் ஊராட்சி தலைவர் செல்வராணியை தகுதிநீக்கம் செய்து நேற்று உத்தரவிட்டார். இதற்கான உத்தரவு நகல் செல்வராணியின் வீட்டின் முன்பு வருவாய்த்துறையினரால் ஒட்டப்பட்டது.

மேலும் செய்திகள்

Like Us on Facebook Dinkaran Daily News
  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

  • America_electric plane

    முற்றிலும் மின்சாரத்தில் இயங்கும் முதல் விமானம்!: அமெரிக்காவில் சோதனை ஓட்டம் வெற்றி...!!

  • chennai-heavy-rain

    சென்னையில் பல்வேறு இடங்களில் இடியுடன் கனமழை

  • tirupati-brahmotsavam-28

    கோவிந்தா! கோவிந்தா!: திருப்பதி ஏழுமலையான் கோயிலில் 2ம் நாள் பிரமோற்சவம் கோலாகலம்.. சின்ன சேஷ வாகனத்தில் மலையப்ப சுவாமி வீதியுலா..!!

  • turist_world

    தமிழகத்தின் பல்வேறு இடங்களில் வெகு விமர்சியாக கொண்டாடப்பட்ட உலக சுற்றுலா தினம்... சுற்றுலாப்பயணிகள் உற்சாகம்..!!

படங்கள் வீடியோ கல்வி சினிமா ஜோ‌திட‌ம்