SUN குழுமத்திலிருந்து வெளிவரும் காலை நாளிதழ்

சென்னை மாநகராட்சி சிறப்பு முகாமில் 2 லட்சம் பேருக்கு தடுப்பூசி இலக்கு: மேயர் பிரியா தகவல்

2022-06-13@ 00:30:16

திருவொற்றியூர்: சென்னை மாநகராட்சியில் 2 லட்சம் பேருக்கு கொரோனா தடுப்பூசி போட இலக்கு நிர்ணயிக்கப்பட்டு, அதற்கான முகாம் தொடர்ந்து நடைபெற்று வருகிறது, என மேயர் பிரியா தெரிவித்துள்ளார். சென்னை மாநகராட்சி சார்பில் 30வது மெகா கொரோனா தடுப்பூசி முகாம் நேற்று நடந்தது. திருவொற்றியூர் நகர்ப்புற சமுதாய நல மருத்துவமனையில் நடந்த முகாமில், மண்டல குழு தலைவர் தி.மு.தனியரசு தலைமை வகித்தார். இதில், மேயர் பிரியா மற்றும் துணை மேயர் மகேஷ் குமார் ஆகியோர் முகாமை தொடங்கி வைத்தனர்.

பின்னர் மேயர் பிரியா நிருபர்களிடம் கூறியதாவது: கடந்த ஆண்டு தொடங்கப்பட்ட தடுப்பூசி முகாம் தற்போது 30வது தடுப்பூசி முகாமாக நடைபெற்று வருகிறது. ஒவ்வொரு வார்டுகளிலும் 17 தடுப்பூசி முகாம் அமைக்கப்பட்டுள்ளது. ஓரிடத்தில் நிலையான முகமும், 16 இடங்களில் மொபைல் தடுப்பூசி முகாமும் ஏற்பாடு செய்யப்பட்டுள்ளன. 1 முதல் 200 வார்டுகளில் 1600 சுகாதார குழுக்கள் அமைக்கப்பட்டு தடுப்பூசி முகாம்கள் நடைபெற்று வருகின்றன. ஒரு வார்டுக்கு ஆயிரம் பேர் இலக்கை நிர்ணயித்து சென்னையில் 2 லட்சம் பேருக்கு தடுப்பூசி செலுத்த சிறப்பு முகாம் நடைபெற்று வருகிறது. இதுவரை நடத்திய தடுப்பு முகாமில் முதல் தவணையில் 99% பேரும், இரண்டாவது தவணை செலுத்தி கொண்டவர்கள் 85% பேரும் உள்ளனர். 2வது தவணை தடுப்பூசி செலுத்திக் கொள்ளாதவர்கள் அதிகமாக உள்ளதால், இந்த முகாமை பயன்படுத்தி தடுப்பூசி போட்டுக்கொள்ள வேண்டும்.

கொேரானா தொற்று தற்போது அதிகரிக்க தொடங்கி உள்ளதால் அனைவரும் தடுப்பூசி போட்டுக்கொள்ள வேண்டும். தமிழ்நாட்டில் கொரொனா நோய் தொற்று அதிகரித்தாலும் பெரிய அளவில் பாதிப்பு இல்லை. இருந்தாலும் மக்கள் அனைவரும் தங்கள் பாதுகாப்பிற்காக மாஸ்க் அணிய வேண்டும், சானிடைசர் உபயோகப்படுத்த வேண்டும். இவ்வாறு அவர் கூறினார். முகாமில் மண்டல அலுவலர் சங்கரன், கவுன்சிலர்கள், கவிகணேசன், சரண்யா கலைவாணன், சிவக்குமார், சுசீலா ராஜா, பானுமதி சந்தர், உமா சரவணன் திமுக பொதுக்குழு உறுப்பினர் குறிஞ்சி கணேசன், நிர்வாகிகள் எம்.வி.குமார், குமரேசன், மற்றும் நிர்வாகிகள் பலர் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்