SUN குழுமத்திலிருந்து வெளிவரும் காலை நாளிதழ்

அரியலூர் அருகே விபத்தில் சிக்கிய தம்பதியின் உயிரை காப்பாற்றிய அமைச்சர்

2022-06-11@ 14:43:11

அரியலூர்: பெரம்பலூர் மாவட்டம் குன்னம் சட்டமன்ற தொகுதியில் நேற்று நடைபெற்ற பல்வேறு நிகழ்ச்சிகளில் போக்குவரத்து துறை அமைச்சர் எஸ்.எஸ்.சிவசங்கர் பங்கேற்றார். பின்னர் கட்சி நிர்வாகிகளுடன் காரில் அரியலூர்  புறப்பட்டார். வரிசைப்பட்டி அருகே வந்தபோது, அரியலூர் வட்டம் வெள்ளூர் காலனியை சேர்ந்த வெள்ளமுத்து (53), அவரது மனைவி பொன்னழகி (48) ஆகியோர் பைக்கில் சென்றபோது நிலைதடுமாறி கீழே விழுந்ததில் படுகாயமடைந்தனர்.  இதை பார்த்த அமைச்சர் சிவசங்கர், தனது காரை நிறுத்திவிட்டு படுகாயமடைந்த தம்பதியினருக்கு முதலுதவி சிகிச்சை அளித்து 108 ஆம்புலன்சுக்கு தகவல் தெரிவித்தார்.

உடனடியாக சம்பவ இடத்துக்கு ஆம்புலன்சில்  வந்தவர்கள், காயமடைந்தவர்களை ஏற்றி அரியலூரில் உள்ள அரசு மருத்துவ கல்லூரி மருத்துவமனைக்கு அனுப்பி வைத்தனர். பின்னர், விபத்து நடந்த இடத்தில் குவிந்த பொதுமக்களிடம் போக்குவரத்து விதிமுறை குறித்து அமைச்சர் சிவசங்கர் விளக்கி கூறினார். விதியை முறையாக கடைபிடித்தால் இதுபோன்ற விபத்துகளில் இருந்து தங்களை பாதுகாத்து கொள்ளலாம் எனவும் கூறினார். அமைச்சரின்  மனிதாபிமான செயல் அப்பகுதி மக்களிடையே நெகிழ்ச்சியை ஏற்படுத்தியது.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்