SUN குழுமத்திலிருந்து வெளிவரும் காலை நாளிதழ்

8 ஏவுகணை சோதனை நடத்திய வடகொரியாவுக்கு அமெரிக்கா பதிலடி: தென் கொரியாவுடன் இணைந்து அதிரடி

2022-06-07@ 03:53:35

சியோல்: வடகொரியா நடத்திய 8 ஏவுகணை சோதனைகளுக்கு பதிலடியாக தென்கொரியாவுடன் இணைந்து அமெரிக்கா நேற்று 8 ஏவுகணை சோதனைகளை நடத்தியது பரபரப்பை ஏற்படுத்தியது. ஐநா பாதுகாப்பு கவுன்சில் தீர்மானங்கள், உலக நாடுகளின் பொருளாதார தடைகள் என எதையும் கண்டுகொள்ளாமல் வடகொரியா தொடர்ந்து ஏவுகணை சோதனைகளை நடத்தி வருகிறது. கடந்த சில மாதங்களாக வடகொரியா தொடர்ந்து பல நவீன ஏவுகணைகளை சோதனை செய்து வருகிறது. அந்த வகையில், அமெரிக்காவை எச்சரிக்கும் வகையில், வட கொரியா நேற்று முன்தினம் ஒரே நாளில் 8 ஏவுகணைகளை பரிசோதித்து பெரும் பரபரப்பை ஏற்படுத்தியது. இவை வட கொரியாவின் தலைநகர் பியோங்யாங்கின் வடக்கில் உள்ள 2 தீவுகளில் இருந்து 35 நிமிடங்களில் ஏவப்பட்டது. இது இந்த ஆண்டில் வட கொரியா நடத்திய 18வது ஏவுகணை சோதனையாகும்.

வட கொரியாவின் இந்த ஏவுகணை சோதனைகளையொட்டி அண்டை நாடுகளான தென்கொரியா, ஜப்பான் ஆகியவை முன் எச்சரிக்கை நடவடிக்கைகளில் இறங்கி உள்ளன. மேலும் இந்த விவகாரம் அமெரிக்காவுக்கு ஆத்திரத்தை ஏற்படுத்தி உள்ளது. எனவே, வடகொரியாவுக்கு பதிலடி தரும் விதமாக அமெரிக்கா, தென் கொரியாவுடன் இணைந்து 8 ஏவுகணை சோதனைகளை நேற்று நடத்தியது. இவை தென் கொரியாவின் கிழக்கு கடற்கரையில் இருந்து அதிகாலை 4.45 மணிக்கு தொடங்கி, வான் மற்றும் கடல் பாதுகாப்பை கருத்தில் கொண்டு, 10 நிமிட இடைவெளிக்கு ஒன்று என்ற வீதத்தில் ஏவப்பட்டதாக அமெரிக்கா மற்றும் தென் கொரிய கூட்டுப் படைகளின் தலைமை தளபதி தெரிவித்தார். வடகொரியாவின் நடவடிக்கைக்கு பதிலடியாக தென் கொரியா, அமெரிக்கா இணைந்து 8 ஏவுகணை சோதனை நடத்தியிருப்பது கொரிய தீபகற்பத்தில் பரபரப்பை ஏற்படுத்தி உள்ளது.

மேலும் செய்திகள்

Like Us on Facebook Dinkaran Daily News
  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

படங்கள் வீடியோ கல்வி சினிமா ஜோ‌திட‌ம்