ஓக்லஹோமா, : அமெரிக்காவில் ஓக்லஹோமாவில் உள்ள மருத்துவமனை வளாகத்தில் நடந்த துப்பாக்கிச்சூட்டில் 4 பேர் பலியாகினர்.அமெரிக்காவில் சமீப காலமாக துப்பாக்கிச்சூடு சம்பவங்கள் அதிகரித்து வருகின்றன. கடந்த வாரம் டெக்சாசில் உள்ள  ராப் தொடக்கப் பள்ளியில் நடந்த துப்பாக்கிச்சூட்டில் 19 குழந்தைகள், 2 ஆசிரியர்கள் கொல்லப்பட்டனர். அதற்கு இரு வாரங்களுக்கு முன்பு, டெக்சாசில் உள்ள பப்பல்லோ பகுதியில் உள்ள சூப்பர் மார்க்கெட்டில் நடத்தப்பட்ட துப்பாக்கிச்சூட்டில் 10 கருப்பின மக்கள் கொல்லப்பட்டனர்.  இந்நிலையில், ஓக்லஹோமாமாகாணம், துல்சா நகரில் உள்ள புனித பிரான்சிஸ் மருத்துவமனை வளாகத்தில் உள்ள நடாலி கட்டிடத்தில் நேற்று புகுந்த மர்மநபர் துப்பாக்கிச்சூடு நடத்தினார். இதில் 4 பேர் பலியாகினர். துப்பாக்கிச்சூடு நடத்தியவரும் தன்னைத்தானே சுட்டு கொண்டு இறந்தார், இந்த தாக்குதலில் மேலும் பலர் காயமடைந்து உள்ளனர். இதுகுறித்து போலீசார் விசாரித்து வருகின்றனர்.