SUN குழுமத்திலிருந்து வெளிவரும் காலை நாளிதழ்

Dinakaran Daily news

நெடுஞ்சாலை பணிகளில் குறைபாடுகளை களையும் வகையில் சென்னையில் சாலை, வடிகால் பணிகளை உள்தணிக்கை குழு திடீர் ஆய்வு: அமைச்சர் எ.வ.வேலு உத்தரவால் அதிரடி நடவடிக்கை

2022-05-22@ 01:21:54

சென்னை: சென்னையில் நடந்து வரும் சாலை, வடிகால் பணிகளை உள்தணிக்கை குழு திடீர் ஆய்வு மேற்கொண்டது. இதுதொடர்பான அறிக்கை அரசுக்கு அனுப்பப்படும் என்று நெடுஞ்சாலைத்துறை அதிகாரிகள் தெரிவித்தனர். தமிழக அரசின் நெடுஞ்சாலைத்துறையில் மேற்கொள்ளப்படும் பணிகளில் உள்ள குறைபாடுகளை களைய உள் தணிக்கை  என்ற புதிய நடைமுறை நெடுஞ்சாலைத்துறை மூலம் செயல்படுத்தப்படுகிறது. இந்த தணிக்கையை மேற்பார்வையிட  கண்காணிப்பு பொறியாளர்கள் தலைமையில் குழு அமைக்கப்பட்டுள்ளது. இந்த குழுவில் 4 உதவி கோட்ட பொறியாளர்கள், 8 உதவி பொறியாளர்கள் இடம்பெறுகின்றனர்.

இந்த குழு சாலை பணிகள் தொடர்பான ஆவணங்களை ஆய்வு செய்கிறது. தேவைப்பட்டால் இந்த குழு ஒவ்வொரு ஆண்டும் மே மாதம் உள்தணிக்கை செய்து, அறிக்கை சமர்ப்பிப்பார்கள் என்று நெடுஞ்சாலைத்துறை அமைச்சர் எ.வ.வேலு பொறியாளர்களுக்கு உத்தரவிட்டிருந்தார். அதன்பேரில், சென்னை மற்றும் புறநகர் பகுதிகளில் சாலை, வடிகால் மற்றும் பாலப்பணிகளை நெடுஞ்சாலைத்துறையின் பெருநகர சென்னை அலகு பிரிவு கண்காணிப்பு பொறியாளர் செல்லத்துரை தலைமையிலான பொறியாளர்கள் குழு உள் தணிக்கை குழு ஆய்வு மேற்கொண்டது. இந்த குழுவினர், ஜிஎஸ்டி சாலை, ஜவஹர்லால் நேரு சாலைகளில் மேற்கொள்ளப்பட்டு வரும் சாலை பணிகளையும், பல்லாவரம்- துரைப்பாக்கம் சாலையில் மேற்கொள்ளப்பட்டு வரும் பெரிய வடிகால் பணிகளின் தரத்தையும் ஆய்வு செய்தனர். தொடர்ந்து, இதுதொடர்பான அறிக்கை அரசுக்கு அனுப்பப்படும் என்று நெடுஞ்சாலைத்துறை அதிகாரிகள் தெரிவித்தனர்.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்